តារាប្រុសស្រីត្រកូល ឈិន ទាំង ៥រូប ជួបទុក្ខធំបាត់បង់ឪពុកជាទីស្រឡាញ់
តារាប្រុសស្រីមានសាច់ឈាមជាបងប្អូនកូនចៅត្រកូល ឈិន ដែលមហាជនជាច្រើនសុទ្ធសឹងតែបានស្គាល់រួចមកហើយពីតារាប្រុសស្រីទាំងនេះ ដែលមានសមត្ថភាព ទេពកោសល្យក្នុងវិស័យសិល្បៈ ដោយទទួលបានការស្រឡាញ់គាំទ្រពីមហាជនរៀងៗខ្លួន ។
ដោយឡែក ថ្ងៃទី២៥ ខែកក្ដដា ឆ្នាំ២០២១នេះ ក្រុមគ្រួសារបងប្អូនត្រកូល ឈិន នេះ កំពុងតែមានទុក្ខជាទម្ងន់ ដោយត្រូវបាត់បង់មនុស្សជាទីស្រឡាញ់ ដែលត្រូវជាឪពុក និងជាលោកតា របស់តារាប្រុសស្រីទាំងនេះ បានទទួលមរណភាព ដោយសារជំងឺប្រចាំកាយជាច្រើនឆ្នាំ ។ ដោយតារាប្រុសស្រីត្រកូលឈិន ទាំង ៥ រូបនេះ រួមមាន លោក ឈិន កុសល, អ្នកនាង ឈិន សុធារី, កញ្ញា ឈិន រីយ៉ា, លោក ឈិន ដាវីដ ដែលត្រូវជាកូន និង កញ្ញា ឈិន មុន្នីនាថ ត្រូវជាចៅស្រី ។
ក្រោយទទួលបានដំណឹងដ៏សែនក្រៀមក្រំនេះ មហាជន មិត្តរួមសិល្បៈ ក៏ដូចអ្នកគាំទ្ររបស់តារាប្រុសស្រីទាំងនេះ បាននាំគ្នាសម្ដែងនូវភាពសោកស្ដាយជាខ្លាំង ព្រមទាំងធ្វើការចូលរួមរំលែកទុក្ខគ្រប់ៗគ្នា ផងដែរ ៕
