កូនៗ Chompoo ឡើងអៀនខ្វេរ ពេលឃើញប៉ាប៉ា និង ម៉ាក់ម៉ាក់ ឱបថើបគ្នាយ៉ាងស្វីតនៅនឹងមុខ (វីដេអូ)

រំលងពុំទាន់បានមួយខែស្រួលបួលពីខួបកំណើតខ្លួនឯងផង ពេលនេះ Chompoo Araya ដល់ថ្ងៃខួបកំណើតស្វាមីសំណព្វចិត្តទៀតបាត់ទៅហើយ ។ ដោយកាលពីថ្ងៃទី ០៥ ខែសីហា ឆ្នាំ ២០២១ កន្លងទៅនេះ កំពូលតារាស្រី Chompoo Araya បានរៀបចំពិធីខួបកំណើតលក្ខណៈគ្រួសារមួយ ដែលកម្មវិធីនោះហាក់ប្រកបដោយភាពរីករាយជាខ្លាំង ។

ជាមួយនឹងការ Surprise ស្វាមីបណ្ដូលចិត្ត Chompoo ក៏បានឱ្យកាដូយ៉ាងពិសេសទៅកាន់ស្វាមី នោះគឺស្នាមថើបដែលពោពេញដោយក្ដីស្រឡាញ់ផងដែរ ។ ទន្ទឹមនឹងនោះ អ្វីដែលធ្វើឱ្យមហាជនកាន់តែចាប់អារម្មណ៍លើសនោះគឺ ពេលដែលតារាស្រី Chompoo ផ្ដល់ស្នាមថើបជូនស្វាមី ក៏ស្រាប់តែកូនភ្លោះទាំងពីររបស់នាងគឺ Saifah និង Bhayu រម៉ិចរមួលខ្លួនអៀនតាមម៉ាក់ និង ប៉ារបស់គេ ។

ជុំវិញរូបភាពនៃគ្រួសារដ៏សែនកក់ក្ដៅរបស់តារាសម្ដែងស្រីជួរមុខរូបនេះ ពិតធ្វើឱ្យមហាជនអ្នកគាំទ្រលាន់មាត់សរសើរជារឿយៗពុំសូវជាដាច់ឡើយ ។ ជាពិសេសកូនប្រុសទាំងពីរដ៏គួរឱ្យស្រឡាញ់របស់តារាស្រី Chompoo តែម្ដង ព្រោះពួកគេទាំងពីរជាក្មេងឆា្លត លេងសើចច្រើន និង មុខមាត់ឃ្យូតៗគួរឱ្យស្រឡាញ់ ដែលធ្វើឱ្យអ្នកគាំទ្រក្រឺតគ្រប់ៗគ្នា ៕