តួឯកប្រុស TVB ល្បីៗ ៦ រូប ក្នុងមួយឆ្នាំៗរកចំណូលបានកប់ក្តោង
ថ្មីៗនេះ មានព័ត៌មានលេចឮឡើងអំពីតារាសម្ដែងប្រុសរបស់ប៉ុស្តិ៍ TVB ដែលត្រូវបានគេទម្លាយពីប្រាក់ខែប្រចាំឆ្នាំរបស់ពួកគេ ធ្វើឱ្យអ្នកគាំទ្ររបស់តារាប៉ុស្តិ៍ទូរទស្សន៍មួយនេះ ភាគច្រើនមានការចាប់អារម្មណ៍ចង់ដឹងយ៉ាងខ្លាំង ចំពោះប្រាក់ខែសម្រាប់តារាសម្ដែងរបស់ TVB ទទួលបាន ។
ក្នុងនោះដែរ មានតារាសម្ដែងប្រុសល្បីៗចំនួន ៦ រូប ដែលឈរឈ្មោះនៅលើតារាងប្រាក់បៀវត្សរ៍ខ្ពស់បំផុត និង ជាតារាដែលទទួលបានប្រាក់ខែខ្ពស់ជាងគេ ក្នុងចំណោមតារាប្រុសស្រីរបស់ TVB ទាំងអស់។
៦). តារាសម្ដែងប្រុស Benjamin Yuen
ថ្វីដ្បិតតែតារាប្រុសវ័យ ៤០ រូបនេះ មិនទាន់ឈ្នះពានរង្វាន់ជាតារាសម្តែងឆ្នើម TVB ក៏ដោយ ប៉ុន្តែលោកបានឈ្នះពានរង្វាន់ផ្សេងៗទៀតរួចមកហើយ ។ ដើម្បីតបស្នងការខិតខំប្រឹងប្រែងក្នុងការងាររបស់លោក បើតាមការឱ្យដឹង Benjamin ក៏ជាតារាប្រុសមួយរូប ដែលទទួលបានប្រាក់ខែខ្ពស់ពី TVB ចំនួន ៣ លានដុល្លារកុងហុង ក្នុង ១ ឆ្នាំ ផងដែរ ។
៥). តារាសម្ដែងប្រុស Ruco Chan
តារាប្រុសវ័យ ៤៤ ឆ្នាំរូបនេះ បានជាប់ក្នុងចំណាត់ថ្នាក់លេខ ៥ ជាតារាទទួលបានប្រាក់ខែខ្ពស់ ចំនួន ៥ លានដុល្លារកុងហុង ក្នុង ១ ឆ្នាំ និង ទទួលបានពានរង្វាន់ជាតារាសម្ដែងប្រុសឆ្នើម ក្នុងឆ្នាំ ២០១៦ ។ មិនត្រឹមតែប៉ុណ្ណោះទេ លោក Ruco Chan ក៏ជាប់ឈ្មោះជាតារាមានទ្រព្យសម្បត្តិស្តុកផងដែរ ថ្វីដ្បិតថាប្រាក់ខែក្នុងការងារសិល្បៈរបស់លោក មិនសូវជាលោតខ្ពស់ប៉ុន្មានខុសប្លែកពីតារា TVB ដទៃទៀត។
៤). តារាសម្ដែងប្រុស Wayne Lai
លោក Wayne Lai ជាតារាសម្ដែងប្រុសជាប់ចំណាត់ថ្នាក់លេខ ៤ ក្នុងចំណោមតារាជាប់កុងត្រារបស់ TVB ដែលទទួលបានប្រាក់ខែ ៥ លានដុល្លារកុងហុង ក្នុង ១ ឆ្នាំ ។ តារាប្រុសវ័យ ៥៧ ឆ្នាំរូបនេះ លោកក៏មានប្រជាប្រិយភាពខ្លាំងផងដែរ នៅក្នុងប្រទេសចិន និង ទទួលបានពានរង្វាន់ជាតារាសម្ដែងប្រុសឆ្នើម ដល់ទៅ ៣ ឆ្នាំជាប់គ្នា ។
៣). តារាសម្ដែងប្រុស Vincent Wong
តារាសម្ដែងប្រុសវ័យ ៣៨ ឆ្នាំរូបនេះ បានឈ្នះពានរង្វាន់តារាសម្ដែងឆ្នើម ដល់ទៅ ២ លើក នៅក្នុងឆ្នាំ ២០១៧ និង ឆ្នាំ ២០២០ ហើយលោកក៏មានប្រជាប្រិយភាពខ្លាំងមិនធម្មតាដែរ ក្នុងប្រទេសចិន ព្រមទាំងបើកស្ទូឌីយោផ្ទាល់ខ្លួន ថែមទៀតផង ។ មិនត្រឹមតែប៉ុណ្ណោះ លោក Vincent ក៏ត្រូវគេដឹងដែរថាជាតារាប្រុសដែលទទួលបានប្រាក់ខែខ្ពស់ ចំនួន ៦ លានដុល្លារកុងហុង ក្នុង ១ ឆ្នាំ ពី TVB ផងដែរ ។
២). តារាសម្ដែងប្រុស Kenneth Ma
តារាសម្ដែងប្រុសប្រជាប្រិយភាពរបស់ TVB លោក Kenneth Ma តារាប្រុសរូបនេះ បានជាប់ក្នុងចំណាត់ថ្នាក់លេខ ២ ដែលទទួលបានប្រាក់ខែខ្ពស់ ចំនួន ៨ លានដុល្លារកុងហុង ក្នុង ១ ឆ្នាំ ។ តារាប្រុសវ័យ ៤៧ រូបនេះ លោកធ្លាប់ទទួលបានពានរង្វាន់ច្រើនរាប់មិនអស់ ហើយឆ្នាំចុងក្រោយនោះ លោកបានឈ្នះពានរង្វាន់ជាតារាសម្ដែងប្រុសឆ្នើម នៅក្នុងឆ្នាំ ២០១៩ ។
១). តារាសម្ដែងប្រុស Moses Chan
កំពូលតារាសម្តែង TVB ដែលរកចំណូលបានច្រើនជាងគេ ក្នុងវ័យ ៥០ ឆ្នាំ លោក Moses Chan ដែលត្រូវបានគេស្គាល់ច្បាស់ពីជំនាញក្នុងការសម្ដែងដ៏ប៉ិនប្រសប់ និង ជាអ្នកទទួលបានពានរង្វាន់ជាតារាសម្ដែងដ៏ឆ្នើម មានការពេញចិត្តខ្លាំងពីសំណាក់ទស្សនិកជន តាមរយៈតួអង្គសម្ដែងក្នុងខ្សែភាពយន្ត «Heart of Greed» ឆ្នាំ ២០០៧ ។
អស់រយៈពេលច្រើនឆ្នាំមកនេះ លោក Moses ត្រូវបានគេដឹងថាជាតារាសម្ដែងប្រុសដែលទទួលបានប្រាក់ខែខ្ពស់បំផុត ចំនួន ៣០ លានដុល្លារកុងហុង ក្នុង ១ ឆ្នាំ ក្នុងការបន្តកុងត្រារបស់លោក ជាមួយនឹង TVB ៕
ប្រភព៖ JAYNESTARS
