ល្បីទិញផ្ទះទុកច្រើនកន្លែង ស្រាប់តែ រ៉ូលីន ទម្លាយថា ផ្ទះកំពុងសង់ថ្មីក្រោយនេះ ធ្វើជូនមនុស្សពិសេសម្នាក់

ជាការពិតណាស់ តារាពហុជំនាញ រ៉ូលីន ដែលជាសិល្បករមួយរូបពោរពេញដោយទេពកោសល្យចម្រុះក្នុងវិស័យសិល្បៈ ដោយសង្កេតឃើញថាមួយរយៈចុងក្រោយនេះ លោកកាន់តែទទួលបានកេរ្តិ៍ឈ្មោះល្បីល្បាញឡើង និង ​ក្ដោបក្ដាប់​បានការងារ​ជាច្រើន​ក្នុងដៃ ។

យ៉ាងណាមិញ ជាមួយនឹងភាពកាក់កបខ្លាំងក្នុងវិស័យសិល្បៈរបស់ខ្លួន កាលពីពាក់កណ្ដាលខែ មិថុនា ឆ្នាំ២០២១ រ៉ូលីន ក៏បានធ្វើឱ្យមហាជនជាច្រើនភ្ញាក់ផ្អើល​ជា​ខ្លាំ​ង​ប​ន្ទាប់​ពីរូបលោក ​បើកបង្ហាញ​ផ្ទះវីឡាថ្មីសន្លាង​យ៉ាងស្កឹម​ស្កៃមួយ​តម្លៃមិន​ក្រោម​ខ្ទង់សែន​ដុល្លារ ​នោះទេ។

ដោយឡែក ស្រាប់តែកាលពីថ្ងៃទី ១៣ ខែ សីហា ឆ្នាំ ២០២១ នេះ តារាពហុជំនាញរូបនេះ បានបញ្ចេញរូបភាពមួយសន្លឹក ដែលកំពុងតែធ្វើការសាងសង់ផ្ទះថ្មីថែម​មួ​យ​ទៀត ធ្វើឱ្យមហាជនកាន់តែចាប់អារម្មណ៍ខ្លាំងឡើង ព្រមទាំង​មានសារពត៌មាន​ក្នុងស្រុក​ជាច្រើន​ចុះផ្សាយ​ផងដែរ ​។

ជាមួយគ្នានោះ បន្ទាប់ពីទទួលបានការចាប់អារម្មណ៍ខ្លាំងពីរឿងផ្ទះថ្មីរបស់លោក ដែលបានចំណាយលុយរាប់ម៉ឺនដុល្លារ ទិញ និង សាងសង់ជាបន្តបន្ទាប់នោះ ស្រាប់តែ រ៉ូលីន បានទម្លាយប្រាប់មហាជនចំពោះផ្ទះទើបសង់ថ្មីនេះ ​គឺធ្វើជូន​ម៉ែដោះ​ជាទីស្រឡាញ់​របស់លោក ។

គួររឮកផងដែរថា បន្ទាប់ពីម្ដាយបង្កើតរបស់ រ៉ូលីន បានលាចាកលោកអស់រយៈពេលជាច្រើនឆ្នាំកន្លងមកនេះ លោក ​នៅមានម៉ែដោះ​ម្នាក់ទៀត ​ដែលលោកពិតជា​គោរ​ពស្រឡាញ់ខ្លាំងប្រៀបដូចម្ដាយទី ២ ដោយតែឃើញ​បង្ហាញនូវសេច​ក្ដីស្រឡាញ់ ​និង ​ជូនរបស់មានតម្លៃដល់​ម៉ែដោះនៅថ្ងៃ​ពិសេសៗ ​ផងដែរ ៕