(វីដេអូ) ខែកត្ដិកផង! សេង មង្គល និង ហ៊ិន ចាន់នីរ័ត្ន ធ្វើឱ្យហ្វេនៗរមួលខ្លួនចង់ការ ពេលឃើញធ្វើបែបនេះជាមួយគ្នា

កន្លងមកនេះ ធ្លាប់មានមហាជនអ្នកគាំទ្រជាច្រើនចង់ឱ្យ តារាស្រីរូបស្រស់ ហ៊ិន ចាន់នីរ័ត្ន និង តារាប្រុសរូបសង្ហា សេង មង្គល ក្លាយជាគូស្នេហ៍នឹងគ្នាពិតៗ បន្ទាប់ពីឃើញអ្នកទាំងពីរសម្ដែងរឿងជាមួយគ្នាសក្តិសមគ្នាខ្លាំង និងឃើញសកម្មភាពសិទ្ធស្នាលខាងក្រៅឆាកជាបន្តបន្ទាប់នោះ។

ដោយឡែកថ្មីៗនេះ តារាប្រុសស្រីមួយគូនេះ កាន់តែធ្វើឱ្យអ្នកគាំទ្ររំភើបចិត្តខ្លាំង ក្រោយឃើញវីដេអូខ្លីមួយកាត់តក្នុង TikTok ដែលឃើញថា អ្នកទាំងពីរកាន់តែស្និទស្នាលនឹងគ្នាខ្លាំង និយាយសាសងគ្នាទាក់ទងនឹងរឿងរ៉ាវក្នុងការសម្ដែងខ្សែភាពយន្ត លើកឡើងពីតួប្រុសតួស្រី ដែលអ្នកទាំងពីរធ្លាប់សម្ដែង ដោយឡាយឡំនឹងភាពលេងសើចផង មានពាក្យសម្ដីផ្អែមល្ហែមផង ធ្វើឱ្យអ្នកបានមើលហើយលួចញញឹម និង ឡើងអៀនគ្រប់ៗគ្នា។

អ្វីដែលកាន់តែចាប់អារម្មណ៍ខ្លាំងក្នុងវីដេអូខ្លីនោះ គឺកញ្ញា ហ៊ិន ចាន់នីរ័ត្ន បានចោទជាសំណួរទៅកាន់ លោក សេង មង្គល ថា ៖ «តួស្រីដែលធ្លាប់សម្ដែងជាមួយ តើស្រឡាញ់តួស្រីណាជាងគេ ?» ភ្លាមនោះ តារាសម្ដែងប្រុសរូបនេះ ឆ្លើយបង្ហើបចុះបង្ហើបឡើង ស្រាប់តែ តារាសម្ដែងស្រីរូបនេះ ឆ្លើយជំនួសវិញជាឈ្មោះរបស់នាងថា «ហ៊ិន ចាន់នីរ័ត្ន» ដែលហាក់កាន់តែបង្ហើបឱ្យមហាជនកាន់តែមានសង្ស័យពីទំនាក់ទំនងរបស់អ្នកទាំងពីរខ្លាំងឡើង។

ដោយវីដេអូខ្លីមួយនេះ កំពុងតែផ្ទុះការចែករំលែកខ្លាំងក្នុងបណ្ដាញសង្គម TikTok ដែលទទួលបានការចាប់អារម្មណ៍ជាមួយនឹង អ្នកទាំងពីរ ព្រមទាំងមានមហាជនមួយចំនួន កំពុងតែមានចិត្តសង្ស័យ និងបង្កើតជាចម្ងល់ថា តើអ្នកទាំងពីរកំពុងតែមានទំនាក់ទំនងអ្វីនឹងគ្នា?៕

សូមទស្សនាវីដេអូខាងក្រោម៖

@ydsb2អត់មានអីនិយាយទេមើលខ្លួនឯងតាមដានខ្លួនឯងវិភាគខ្លូនឯងទៅ🤭😹🤣🤣♬ សំឡេងដើម – ស្រីស្រស់ ហ្វេនតារា ខ្មែរ🎬