ធ្លាយដំរួយសង្ស័យ Justin ជិតក្លាយជាឪពុកគេ ក្រោយឃើញសកម្មភាពទាំងនេះ
មហាជនអ្នកគាំទ្រមិនតិចនាក់នោះទេ បាននាំគ្នាផ្អើលផ្ទុះការសង្ស័យយ៉ាងមិនអស់ចិត្តថា Hailey ភរិយាសំណព្វរបស់ប្រុសសង្ហា Justin Bieber កំពុងតែទទួលបានចំណងដៃស្នេហ៍ ក្លាយជាអ្នកម្តាយហើយ ក្រោយពីគេឃើញលោក ធ្វើរឿងមួយនេះឥតឈប់នៅខណៈកំពុងចូលរួមកម្មវិធីហ្វេសសិន Met Gala។
មូលហេតុដែលធ្វើឱ្យផ្ទុះចចាមអារ៉ាមនេះ គឺគេសង្កេតឃើញថា ខណៈកំពុងឈរថតរូបគូជាមួយភរិយានៅក្នុងកម្មវិធី តារាប្រុស Justin តែងតែយកដៃស្តាំរបស់ខ្លួនទៅផ្ទប់យ៉ាងទន់ភ្លន់ពីលើពោះរបស់ Hailey ជានិច្ច ដែលធ្វើឱ្យគេអត់សង្ស័យមិនបានឡើយថា នាងកំពុងតែពពោះកូនដំបូង។
អ្វីរឹតតែធ្វើឱ្យមានការសង្ស័យថែមទៅទៀតនោះ គឺ តែងតែបេះដៃស្វាមីចេញពីពោះនាងរហូត នេះទំនងជាខ្លាចមានគេសង្ស័យ ព្រោះតែនាងចង់ទុកដំណឹងល្អនេះពញ្ញាក់អ្នកគាំទ្រក៏ថាបានដែរ។
យ៉ាងណាមិញ គូស្វាមីភរិយាតារាល្បីទាំងពីរនាក់នេះ មិនបានចេញមុខមកបកស្រាយអ្វីនោះទេចំពោះរឿងនេះ ប៉ុន្តែអ្នកគាំទ្រក៏សង្ឃឹមដែរថា ការសង្ស័យរបស់ពួកគេនឹងក្លាយជាការពិត ព្រោះគូស្នេហ៍តារាល្បីមួយនេះ បានសាងជិវិតគូរួមអស់រយៈពេលជាង ៣ ឆ្នាំមកហើយ៕
ប្រភព៖ HOLLYWOOD LIFE
