ទើបដើរតួឯកបានប៉ុន្មានរឿង Song Kang សល់លុយធ្វើជាអ្នកមានបាត់ទៅហើយ
Song Kang កំលោះសង្ហាតារារះថ្មីមានប្រជាប្រិយភាពតាមរយៈរឿង «Sweet Home» និង «Nevertheless» ដែលកំពុងមានការគាំទ្រខ្លាំងនាមួយរយៈចុងក្រោយនេះ។
បុរសវ័យ ២៧ ឆ្នាំ រូបនេះបានឆក់យកដួងចិត្តប្រិយមិត្តអ្នកទស្សនាតាមរយៈសមត្ថភាព និង ទេពកោសល្យសម្តែង ដែលអាចបត់បែនជាច្រើនតួអង្គទៅតាមសាច់រឿងនីមួយៗ។ Song Kang បានចាប់ផ្តើមអាជីពសិល្បៈដំបូងនៅក្នុងរឿង «The Liar and His Love» ក្នុងឆ្នាំ ២០១៧ ដោយដើរជាតួរង។
តស៊ូអស់រយៈពេល ២ ឆ្នាំ តារាប្រុសរូបនេះបានឡើងកាន់តំណែងជាតួឯកលើកដំបូងក្នុងរឿង «Love Alarm» ឆ្នាំ ២០១៩ ដែលសាច់រឿងនេះបានធ្វើឱ្យ Song Kang ឡើងប្រជាប្រិយ និង ទទួលបានតំណែងជាតួឯកបន្តបន្ទាប់មក។
ភាពជោគជ័យនេះបានធ្វើឱ្យទឹកប្រាក់ហូរចូលកុងធនាគាររបស់ Song Kang យ៉ាងហូរហៀរ ដោយទើបប្រឡូកសិល្បៈបាន ៤ ឆ្នាំ និង ទើបកាន់តំណែងតួឯកថ្មីថ្មោងសោះ តារាប្រុសរូបនេះមានទ្រព្យសម្បត្តិសរុបប្រមាណជាង ២ លានដុល្លារ៕
