ឃើញនៅសង្ហាដូចកាល ២០ ឆ្នាំមុន បើដឹងអាយុពិត មួន ម៉ារ៉ា នឹងគក់ទ្រូងលាន់មាត់មិនខាន

បើរំឮកទៅកាន់ចុងឆ្នាំ ១៩៩៩ ដល់អំឡុងឆ្នាំ ២០០០ ឡើង មហាជននិយមតាមដានវិស័យចម្រៀងប្រាកដជានៅចងចាំនៅឡើយតារាចម្រៀងសំឡេងស្រទន់ លោក មួន ម៉ារ៉ា ដែលជាតារាចម្រៀងផ្នែកបុរសល្បីល្បាញខ្លាំង។

កាលនោះ បទចម្រៀងគ្រប់បទរបស់លោក មួន ម៉ារ៉ា​ មិនថាបែបមនោសញ្ចេតនា ឬ ញាក់កន្ត្រាក់អារម្មណ៍នោះទេ គឺសុទ្ធសឹងតែទទួលបានការគាំទ្រខ្លាំងពីសំណាក់អ្នកគាំទ្រនៅក្នុងផលិតកម្ម KH Promotion ដោយលោកមានវត្តមានតាំងពី Vol 1 មកម្ល៉េះ។ បទចម្រៀងល្បីៗរបស់លោក ដែលត្រូវបានមហាជននៅស្តាប់រហូតមកទល់ពេលបច្ចុប្បន្នមានដូចជាបទ «កាដូឥតន័យ» បទ «បងជាបន្លាក្នុងទ្រូង» បទ «អូនទៅភ្នំពេញ» បទ «សូលីដា» បទ «ចង់ដឹង» និង បទជាច្រើនទៀត។

ដោយឡែក ក្រោយសាងគ្រួសារហើយនោះ លោក មួន ម៉ារ៉ា ក៏បានស្ងប់ស្ងាត់លើវិថីសិល្បៈជាច្រើនឆ្នាំ រហូតប៉ុន្មានឆ្នាំចុងក្រោយនេះ គេបានឃើញវត្តមានរបស់លោកសាជាថ្មីក្នុងវិថីសិល្បៈ ដោយលោកបានចូលរួមកម្មវិធីកម្សាន្តនានាផងដែរ។

ជាការពិត រំលងផុតទៅរយៈពេលជាង ២០ ឆ្នាំហើយក្តី ក្នុងការវិលត្រឡប់របស់លោក មួន ម៉ារ៉ា ម៉ារ៉ា មកកាន់វិថីសិល្បៈលើកនេះ បើទោះជាលោកមានរូបរាងមានសាច់ជាងមុនបន្តិច ប៉ុន្តែបើមើលទៅសម្រស់របស់តារាចម្រៀងសំឡេងស្រទន់រូបនេះ គឺនៅតែសង្ហាដូចដើម។ ជាក់ស្តែងនៅក្នុងឆ្នាំ ២០២១ នេះ គឺលោក មួន ម៉ារ៉ា មានអាយុ ៤៤​ ឆ្នាំហើយ គឺនៅមិនសល់ប៉ុន្មានឆ្នាំទៀតទេ លោកកើនវ័យដល់ទៅ ៥០ ឆ្នាំ ទៅហើយ៕