ទោះចាកចេញពី TVB ទ្រនំចាស់ ១៨ឆ្នាំ Nancy Wu នៅតែខ្លាំងគ្មានអ្នកផ្ដួលបាន
តារាសម្ដែងស្រីប្រជាប្រិយភាពរបស់ហុងកុង Nancy Wu ដែលបានលេចមុខជាលើកដំបូង សម្ដែងក្នុងរឿងភាគ «Triumph In The Skies» របស់ទូរទស្សន៍ TVB ក្នុងឆ្នាំ ២០០៣ ប៉ុន្តែ នាងក៏បានចាកចេញពីទ្រនំសោយសុខនេះវិញ ក្រោយពីរួមការងារអស់ជិត ២ទសវត្សរ៍។
Nancy Wu នាងគឺជាតារាសម្ដែងស្រីឆ្នើមមួយរូប ដែលត្រូវបានគេស្គាល់ច្បាស់តាមរយៈស្នាដៃរបស់នាងក្នុងរឿង «Ghost Of Relativity» ឆ្នាំ ២០១៥ និង រឿង «A Fist Within Four Walls» ឆ្នាំ ២០១៦។
ទោះបីជា នាងបានចាកចេញពីទ្រនំចាស់ធ្លាប់រួមការងារអស់រយៈពេល ១៨ឆ្នាំ ទៅចុះកុងត្រាជាមួយនឹងក្រុមហ៊ុនថ្មី Shaw Brothers ក៏ពិតមែន ប៉ុន្តែបើនិយាយពីការគាំទ្ររបស់ទស្សនិកជនចំពោះរូបនាង នៅតែមានសន្ទុះខ្លាំងដដែល។
យ៉ាងណាមិញ អ្នកគាំទ្រ TVB ក៏មិនចាំបាច់អស់សង្ឃឹមឡើយ ដោយសារ TVB គឺជាក្រុមហ៊ុនបុត្រសម្ព័ន្ធរបស់ Shaw Brothers ដូច្នេះតារាសិល្បៈដែលបានចុះហត្ថលេខាជាមួយក្រុមហ៊ុននេះ គឺនៅតែអាចបង្ហាញខ្លួននៅលើរឿងភាគរបស់ TVB ដដែល៕
ប្រភព៖ THESTAR
