Yang Mi ស្អាតដូចទេពអប្សរយ៉ាងនេះទៅហើយ នៅមានអ្នករកឃើញចំណុចខ្វះខាតទៀត
ក្នុងនាមជាតារាសម្ដែងស្រីលំដាប់ A របស់ប្រទេសចិន Yang Mi តែងទទួលបានការសរសើររាប់មិនអស់ពីអ្នកគាំទ្រ ចំពោះកំពូលសម្រស់របស់នាង។
រឹតតែគួរឱ្យចាប់អារម្មណ៍ខ្លាំងទៀតនោះ នៅពេលដែលមានវត្តមានរបស់នាងចូលរួមដើរលើកម្រាលព្រំក្រហមក្នុងព្រឹត្តិការណ៍ពិសេសៗ គឺភាពស្រស់ស្អាតរបស់ Yang Mi ពិតជារាយមន្តស្នេហ៍យ៉ាងខ្លាំង មិនងាយនឹងមានគូប្រជែងសម្រស់ ក្នុងឧស្សាហកម្មកម្សាន្តរបស់ចិន បាននោះទេ។
ទោះជាយ៉ាងណាក៏ដោយ តារាស្រីកំពូលសម្រស់រូបនេះ នៅតែមានចំណុចខ្វះខាត ដែលត្រូវបានមហាជនមួយចំនួនប្រទះឃើញ គឺនៅត្រង់នាងមានសក់ទំពែក និង ថ្ញាសធំទូលាយ។ ដោយភាគច្រើន គេប្រទះឃើញ អំឡុងពេលដែលនាងសម្ដែងក្នុងរឿងភាគបុរាណ តម្រូវឱ្យនាងចងសក់លើកខ្ពស់ទាំងអស់ ងាយមើលឃើញយ៉ាងច្បាស់ពីសក់ទំពែកយ៉ាងធំ ធ្វើឱ្យទស្សនិកជនអ្នកគាំទ្រភ្ញាក់ព្រឺតពេញក្នុងបណ្ដាញសង្គម។
មិនត្រឹមតែប៉ុណ្ណោះទេ កាលពីមុនខណៈពេលចូលរួមក្នុងកម្មវិធីក្នុងប្រទេស ដោយសារតែមានខ្យល់ខ្លាំង ធ្វើឱ្យសក់របស់ Yang Mi ភាយផាយតាមខ្យល់ ហើយមើលឃើញនូវថ្ងាសធំ និងសក់ទំពែកជិតពាក់កណ្ដាល រហូតដល់អ្នកគាំទ្រលាន់មាត់និយាយមិនឈប់អំពីរឿងនេះ៕
