ដូចបេះដាក់រូបសាក់ Margie នៅលើដៃរបស់ស្វាមីសំណព្វចិត្ត ជះពន្លឺយ៉ាងរស់រវើក
ច្បាស់ណាស់រូបសាក់របស់ Margie Rasri គឺពិតជានៅលើដើមដៃស្តាំរបស់ស្វាមីសំណព្វចិត្តរបស់នាង ដែលមើលទៅប្រៀបដូចជាពន្លឺសូត្រ ស្អាតដូចទេពធីតា សូម្បីតែប្រិយមិត្តគាំទ្រក៏នាំគ្នាសម្រុកចុច Like និង ចំអន់លោក Pok មិនតិចផងដែរថាស្រឡាញ់ប្រពន្ធខ្លាំង។
ដូចដែលធ្លាប់និយាយពីមុនមកហើយ សម្រាប់រូបសាក់របស់ Margie នេះគឺស្វាមីរបស់នាង បានទៅចាក់សាក់បន្ថែមរូបពីខាងលើកូនភ្លោះរបស់ពួកគេ ពេលដែលកូនទាំងពីរទើបនឹងកើត បើទោះជានាងធ្លាប់មិនយល់ព្រមឱ្យលោកធ្វើបែបនេះក៏ដោយ។
ប៉ុន្តែទីបំផុត តារាសម្ដែងស្រីរូបនេះនាងនៅតែចុះចាញ់ ដូចជាកាលពីថ្ងៃទី ៥ ខែ វិច្ឆិកា ឆ្នាំ២០២១ Margie ផ្ទាល់ គឺជាអ្នកបង្ហាញរូបសាក់នៅលើដៃស្តាំស្វាមីរបស់នាង ជាលើកដំបូងតាមរយៈ Instagram ផ្ទាល់របស់ខ្លួនតែម្ដង។
ក្នុងនោះដែរ ក្រោយពីបានឃើញរូបភាពសាក់រូបរបស់ Margie នៅលើដើមដៃលោក Pok មនុស្សជាច្រើនបានពោលពាក្យសរសើរថាស្រស់ស្អាតខ្លាំង ហើយមើលទៅកាន់តែមានពន្លឺភ្លឺរលោងដូចទេពធីតាក្នុងទេវកថាក្រិក មានភាពរស់រវើក ដូចរូបថតបេះដាក់នឹង Margie មិនស្តាយកម្លាំងទេ ដែលស្វាមីរបស់នាង ស៊ូទ្រាំឈឺអស់ ៩ម៉ោង ទើបចេញលទ្ធផលគួរជាទីគាប់ចិត្ត៕
