ពិតជាមិនធម្មតា! ទូរស័ព្ទ OPPO R15 Pro ម៉ូដែលថ្មីមានរូបរាងសាមញ្ញតែសមត្ថភាពល្អឥតខ្ចោះ
ប្រិយមិត្តប្រាកដជាធ្លាប់បានដឹងរួចមកហើយថា រាល់ម៉ូដែលរបស់ OPPO ដែលបានចេញលក់លើទីផ្សារ តែងតែមានភាពលេចធ្លោ និង ភាពទាក់ទាញផ្សេងៗគ្នា ។ សម្រាប់ម៉ូដែល OPPO R15 នេះវិញ ក៏មានលក្ខណៈពិសេស និង រូបរាងមិនចាញ់ម៉ូដែលចុងក្រោយរបស់ក្រុមហ៊ុនដទៃទៀតដែរ ទំនើបទាំងបច្ចេកវិទ្យា និង ការរចនារូបរាងបែបសាមញ្ញ តែបង្កប់ភាពឥតខ្ចោះ អាចនិយាយបានថានេះជាម៉ូដែលទីមួយដែល OPPO ផ្ដោតទៅលើចំណុច Clean Design។
R15 Nebula Special Edition រចនាលាយឡំពណ៌បីក្នុងសំបកតែមួយមានពណ៌ស៊ីជម្ពូ, ស្វាយ និង ខៀវ គែមព័ទ្ធជុំវិញដោយអាលុយ មីញ៉ូម ចំណែកឯផ្នែកខាងមុខវិញពោរពេញដោយកញ្ចក់ ។ ការរចនារូបរាងសាមញ្ញប្រកបដោយភាពឥតខ្ចោះលើម៉ូដែលមួយនេះ ជាការសហការគ្នារវាងក្រុមហ៊ុន OPPO និង លោក Karim Rashid អ្នកឌីហ្សាញដ៏ល្បីបំផុតមួយរូបក្នុងសហរដ្ឋអាមេរិក ដែលអតិថិជននឹងបានឃើញរូបសញ្ញាហត្ថលេខានៅផ្នែកខ្នងក្រោយម៉ាស៊ីន តែម៉ូដែលមួយនេះមិនមានលក់នៅក្នុងប្រទេសកម្ពុជានោះទេ ។
ជាដំណឹងល្អមួយសម្រាប់អ្នកប្រើប្រាស់ទូរស័ព្ទដែលចូលចិត្តមើលវីដេអូ និង លេងហ្គេមច្រើន គឺត្រូវម៉ាច់តែម្ដង ព្រោះ OPPO R15 Pro នេះមានអេក្រង់ Super-V Display ទំហំ ៦,២៨ អ៊ីង កម្រិត ២២៨០ x ១ ០៨០ ភីកស៊ែល (មាត្រដ្ឋាន ១៩:៩)។ បន្ថែមពីនេះមួយកម្រិតថែមទៀត ការលេងហ្គេម និង ដំណើរការកម្មវិធីផ្សេងៗក្នុងទូរស័ព្ទរបស់អ្នកនឹងកាន់តែមានភាពងាយស្រួលជាងមុន ដោយសារ OPPO R15 Pro ភ្ជាប់ជាមួយបន្ទះឈីប Qualcomm Snapdragon 660 ជាមួយនឹង RAM ទំហំ 6GB ។
ការរក្សារទិន្នន័យក៏មិនបាច់មានការព្រួយបារម្ភច្រើនពីទំហំ Space ទៀតដែរដោយសារតែទូរស័ព្ទត្រកូល R ដ៏ពិសេសមួយនេះមានទំហំផ្ទុកទិន្នន័យដល់ទៅ 128GB ហើយអាចបន្ថែមបានដល់ទៅ 256 GB ឯណោះ ។ អ្នកណាៗក៏ដឹងដែរថា OPPO ជាក្រុមហ៊ុនដែលផលិតទូរស័ព្ទមានកាមេរ៉ាមុខធំៗ ។ OPPO R15 Pro មានកាមេរ៉ាមុខទំហំដល់ទៅ 20MP គាំទ្រមុខងារ Facial Unlock និងបច្ចេកវិទ្យា AI ផ្ដល់ភាពងាយស្រួលក្នុងការគ្រប់គ្រងទូរស័ព្ទអ្នកក្នុងការ Unlock ទូរស័ព្ទ ។
ចំណែកឯកាមេរ៉ាក្រោយវិញមានទំហំដល់ទៅ 20MP ឯណោះ ដោយលើកនេះ OPPO R15 Pro ដាក់កាមេរ៉ាក្រោយភ្លោះពីរគ្រាប់ 20+16MP ផ្ដល់សមត្ថភាពថតរូប ដែលអាចនិយាយបានថាស្ទើរតែមិនចាំបាច់យកកាមេរ៉ា Professional ដាក់តាមខ្លួនឡើយ ព្រោះកម្រិតនៃការចាប់យករូបភាពពិតជាគួរឲ្យចាប់អារម្មណ៍មែនទែន ។
បញ្ហាមួយចំនួនដែលអ្នកប្រើប្រាស់ទូរសព្ទបច្ចុប្បន្ននេះមានការព្រួយបារម្ភនោះ ទូរស័ព្ទឆាប់អស់ថ្ម តែបញ្ហានេះនឹងលែងកើតមានទៀតហើយ ដោយសារតែ OPPO R15 Pro មានថាមពលថ្ម ៣៤៣០mAh អមបច្ចេកវិទ្យាសាកថ្មរហ័ស VOOC ដោយអាចសាកបាន ១០០ ភាគរយ ប្រើពេលត្រឹមតែ ៦០ នាទីតែប៉ុណ្ណោះ ។
OPPO R15 Pro រូបរាងសាមញ្ញផ្ដល់ភាពឥតខ្ចោះមួយនេះ ប្រើប្រព័ន្ធប្រតិបត្តិ Android 8.1 Oreo ស្រោបផ្ទៃកម្មវិធីដោយ ColorOS 5.0 ដែលរាល់ពេលដែលអ្នកបើកទូរស័ព្ទម្ដងៗ ផ្ដល់ភាពទាក់ទាញមួយនឹកស្មានមិនដល់ ។ ប្រិយមិត្តទាំងអស់អាចរក OPPO R15 Pro តាមបណ្ដាហាងនានាក្នុងក្រុងភ្នំពេញ ៕
