កំពុងផ្ទុះរឿងស្នេហ៍នឹង ហ៊ិន ចាន់នីរ័ត្ន ស្រាប់តែ មាន សូនីតា ដាក់ផាំងថា សេង មង្គល ជាបែបនេះជាមួយខ្លួន

ថ្មីៗនេះដែរ មហាជននិយមតាមដានជីវិតឯកជនរបស់ពិធីការិនីកំពូលសម្រស់ ហ៊ិន ចាន់នីរ័ត្ន និង តារាសម្តែងស្រស់សង្ហាលោក សេង មង្គល កំពុងតែផ្ទុះការចាប់អារម្មណ៍យ៉ាងខ្លាំងពីទំនាក់ទំនងរបស់អ្នកទាំង ២ ដោយមើលទៅហាក់ខុសប្លែកពីមិត្តភាពធម្មតា ដោយអ្នកទាំង ២ តែងបញ្ចេញសកម្មភាពស្និទ្ធស្នាលខ្លាំងដូចជាគូស្នេហ៍។

លើសពីនោះដែរ បើទោះជាកញ្ញា ហ៊ិន ចាន់នីរ័ត្ន និង​ លោក សេង មង្គល មិនបានបញ្ជាក់ថាអ្នកទាំង ២ មានទំនាក់ទំនងអ្វីយ៉ាងពិតប្រាកដមែននោះ ប៉ុន្តែអ្នកគាំទ្រកំពុងតែពុះកញ្ច្រោលចង់ឱ្យអ្នកទាំង ២ ក្លាយទៅជាគូស្នេហ៍នឹងគ្នាពិតមែន។

យ៉ាងណា លោក សេង មង្គល កំពុងតែផ្ទុះរឿងស្នេហ៍នឹង កញ្ញា ហ៊ិន ចាន់នីរ័ត្ន ស្រាប់តែកាលពីថ្ងៃទី ១២ ខែវិច្ឆិកា ឆ្នាំ ២០២១​ កន្លងទៅនេះ រាជិនីក្រមា មាន សូនីតា បានបង្ហោះរូបភាពយ៉ាងស្និទ្ធស្នាលនឹងលោក សេង មង្គល ថែមទាំងពោលពាក្យមួយឃ្លាថា៖ «ដៃគូចាស់!» បានធ្វើឱ្យអ្នកលេងបណ្តាញសង្គមហ្វេសប៊ុក ក៏ចាប់ផ្តើមចាប់ក្រសែភ្នែក មានចម្ងល់តែម្តង។ ក្នុងនោះ​ អ្នកលេងបណ្តាញសង្គមហ្វេសប៊ុកបានលើកឡើងពាក្យកញ្ញា មាន សូនីតា បានសរសេរនោះ មានន័យក្នុងរឿងស្នេហា ឬ ក៏ការងារយ៉ាងណា?

យ៉ាងណាក៏ដោយ មហាជនជឿជាក់ថាពាក្យ៖ «ដៃគូចាស់» របស់កញ្ញា មាន សូនីតា ដែលសរសេរសំដៅទៅលើលោក សេង មង្គល នោះ គឺគ្រាន់តែនៅក្នុងន័យការងារប៉ុណ្ណោះ ក៏ព្រោះកន្លងមកលោកអ្នកបានដឹងហើយ កញ្ញា មាន សូនីតា ជាអតីត Freshie Girl និង លោក សេង មង្គល ជាអតីតតារាបង្ហាញម៉ូដកម្មវិធី SPY ដែលមានការគ្រប់គ្រងដោយប្រធានតែមួយ។ លើសពីនោះ កញ្ញា មាន សូនីតា និង លោក សេង មង្គល ក៏ធ្លាប់ចាប់ដៃគូគ្នាជាពិធីករ ពិធីការិនីទៀតផង៕