បានសង្សារថ្មីរាសីឡើង ស្ងាត់ៗ Taew ក្លាយជាអ្នកជំនួញវ័យក្មេង ធ្វើអាជីវកម្មល្បីកក្រើកប្រទេស

Taew Natapohn ជាកំពូលតារាស្រីជួរមុខដែលមានឈ្មោះបោះសំឡេងខ្លាំងក្នុងសិល្បៈថៃ ជាមួយនឹងសមត្ថភាព និង រូបសម្រស់របស់នាង បានធ្វើឱ្យតារាស្រី Taew កា្លយជា Super Star ព្រមទាំងមានអ្នកគាំទ្រ ទាំងក្នុង និង ក្រៅប្រទេស។

បច្ចុប្បន្ន ស្របពេលដែលមានសង្សារជាអ្នកជំនួញធំ ធ្វើឱ្យជីវិតតារាស្រីស្រស់រូបនេះកាន់តែហាយសូរខ្លាំងឡើង។ សម្រាប់ក្តីស្នេហ៍នាង ជាមួយហាយសូរ Pranai ក៏កាន់តែផ្អែលល្អែមគ្នាផងដែរ។ ជារឿយៗ គូស្នេហ៍មួយគូនេះហាក់មិនដែលដាច់ឆ្ងាយពីគ្នាឡើយ។

ដោយឡែក ថ្មីៗនេះ ស្រាប់តែមានរឿងដ៏គួរចាប់អារម្មណ៍មួយសម្រាប់តារាស្រីស្រស់រាងតូចច្រឡឹង Taew ដោយនាងបានទម្លាយពីមុខរបររបស់ខ្លួន ក្នុងកម្មវិធី ៣ Zaap ដែលពេលនេះ Taew កំពុងតែក្លាយថៅកែអចលនទ្រព្យ និង អាជីវកម្មផ្សេងៗ ជាច្រើនក្នុងប្រទេស។

ជាមួយនឹងមុខរបរថ្មី តារាស្រីរូបនេះសម្ដែងនូវអារម្មណ៍រីករាយ ជាពិសេសនាងទទួលបានការប្រឹក្សា និង ជ្រោមជ្រែងពីសង្សាររបស់ខ្លួនដែលជាអ្នកជំនួញស្រាប់ក្នុងការធ្វើឱ្យអាជីវកម្ម និង ជំនួញរបស់នាងកាន់តែរីកចម្រើនទៅមុខបានឆាប់រហ័ស។ គ្មានអ្វីដែលត្រូវឆ្ងល់នោះទេ ហេតុអ្វីនៅសុខៗ Taew ស្រឡាញ់ការធ្វើជំនួញ នេះក៏ព្រោះតែមានសង្សារជាអ្នកជំនួញនេះឯង៕