ខានឃើញយូរ លាង សុផាឡែន ស្រស់ស្អាតខ្លាំង រាងចេញអក្សរ S

សម្រាប់ប្រិយមិត្តយុវវ័យដែលចូលចិត្តតាមដានវិស័យសិល្បៈចម្រៀង ជឿជាក់ថាប្រាកដជាធ្លាប់ស្ដាប់បទចម្រៀងរបស់ លាង សុផាឡែន មិនខាន ដោយកាលពីប៉ុន្មានឆ្នាំមុខ តារាចម្រៀងស្រីរូបនេះ មានបទច្រៀងថ្មីៗជាច្រើនមកប្រជែងទីផ្សារ ហើយសុទ្ធតែបទពីរោះៗ ជាប្រភេទបទមនោសញ្ចេតនាស្នេហាប្រុសស្រីឈឺចាប់ជាដើម។

មកទល់បច្ចុប្បន្នអាចនិយាយបានថា លាង សុផាឡែន គឺជាសិល្បការិនីរៀមច្បងមួយរូបសម្រាប់ប្អូនៗជំនាន់ក្រោយ ហើយបើគិតឱ្យដិតដល់ទៅ តារាស្រីរូបនេះក៏មានអាយុតិចដែរ។

ដ្បិតថាអាយុកាន់តែដើរលឿនទៅមុខ ប៉ុន្ដែបើងាកទៅមើលរូបសម្រស់តារាចម្រៀង លាង សុផាឡែន បែរកាន់តែក្មេង ស្រស់ស្អាតទៅៗគួរឱ្យភ្ញាក់ផ្អើល ដោយសឹងតែគ្រប់រាល់ពេលនាងបង្ហោះរូបថតថ្មីៗនៅលើបណ្ដាញសង្គមម្ដងៗ មានមហាជនអ្នកគាំទ្រជាច្រើនផ្ដោតក្រសែភ្នែកតាមសម្លឹង ព្រមជាមួយពាក្យលើកសរសើរពីមុខមាត់ និង ដងខ្លួនដ៏តូចច្រឡឹងរបស់នាងហូរហែ៕