ឡាយ លក្ខិណា បាត់មុខពីសិល្បៈជាង ១០ ឆ្នាំ ស្រាប់តែពេលនេះបង្ហាញខ្លូនក្នុងរឿងភាគ «ផ្កាថ្ម» (វីដេអូ)
តារាចម្រៀង និង សម្តែងល្បីឈ្មោះជំនាន់ឆ្នាំ ២០០០ អ្នកនាង ឡាយ លក្ខិណា បានវិលត្រលប់ចូលសិល្បៈវិញក្រោយពីបានផ្អាកអស់រយៈពេលយ៉ាងយូរ ។
ក្រោយពីវិលចូលសិល្បៈភ្លាមអ្នកនាង ឡាយ លក្ខិណា ក៏បានចូលរួមសម្តែងខ្សែភាពយន្តភាគឲ្យស្ថានីយទូរទស្សន៍ដ៏ពេញនិយ គឺទូរទស្សន៍ មហង្សមាស HDTV ភ្លាមផងដែរ ដែលអ្នកនាងបានបញ្ជាក់ថា នេះគឺជាខ្សែភាពយន្តភាគដំបូងហើយសម្រាប់អ្នកនាងក្នុងការដែលត្រលប់ចូលសិល្បៈវិញនេះ ។
តារាសម្តែងដែលជាប់ឈ្មោះជាស្រីស្អាតបួនដួងអំឡុងឆ្នាំង ២០០០ រូបនេះបានបន្ថែមថា អ្នកនាងពិតមានអារម្មណ៍សប្បាយចិត្តក្នុងការត្រលប់ចូលសិល្បៈវិញ ហើយរឹតតែសប្បាយចិត្តពេលដែលបានសម្តែងរឿងភាគ «ផ្កាថ្ម» ឲ្យទូរទស្សន៍ ហង្សមាស ដោយអ្នកនាងជឿជាក់ថារឿងភាគមួយនេះនឹងទទួលបានការគាំទ្រខ្លាំងពីទស្សនិកជន ៕
