កម្ពុជា បន្តផ្ដល់ជំនួយ ៣ លានម៉ាស់ និង សម្ភារបរិក្ខាពេទ្យសំខាន់ៗ ដល់មីយ៉ាន់ម៉ា នៅថ្ងៃស្អែកនេះ

ក្នុងឱកាស អញ្ជើញបំពេញទស្សនកិច្ចផ្លូវការ ចាប់ពីថ្ងៃទី ០៧ ដល់ថ្ងៃទី ០៨ ខែមករា ឆ្នាំ ២០២២ ខាងមុខនេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងនាំយកអំណោយមនុស្សធម៌របស់រាជរដ្ឋាភិបាល និងប្រជាជនកម្ពុជា ប្រគល់ជូន សាធារណរដ្ឋសហភាពមីយ៉ាន់ម៉ា ដើម្បីរួមចំណែកជួយដល់ប្រជាជនមីយ៉ាន់ម៉ា ក្នុងការទប់ស្កាត់ការរីករាលដាលជំងឺកូវីដ-១៩។

ដោយឡែកសម្ភារបរិក្ខាពេទ្យ ដែលជាជំនួយទាំងនោះ មានដូចក្នុងតារាងខាងក្រោម៖

គួរឱ្យដឹងផងដែរ នេះគឺជាលើកទី ៣ ហើយ ដែលរាជរដ្ឋាភិបាលកម្ពុជា បានផ្តល់​ជំនួយជាម៉ាស និងបរិក្ខារវេជ្ជសាស្រ្ត សម្រាប់ប្រទេសមីយ៉ាន់ម៉ាបែបនេះ ខណៈកន្លងមក កម្ពុជា ក៏បានផ្តល់ជំនួយបែបនេះ ទៅដល់ប្រទេសឡាវ ទីម័រខាងកើត និងប្រទេសវៀតណាមផងដែរ៕