ផ្ទុះការចាប់អារម្មណ៍! កូនប្រុសប្រឡងជាប់ទី ១២ ប៉ាម៉ាក់ជូនការដូរបន្តិចបន្តួច ឡាន MG6-2022 មួយគ្រឿង

ក្រសួងអប់រំ យុវជន និង កីឡា នៅថ្ងៃទី ១៤ ខែមករា ឆ្នាំ ២០២២ ម្សិលមិញនេះ បានចេញសេចក្ដីប្រកាសព័ត៌មាន ស្តីពីលទ្ធផលនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ២៧ ធ្នូ ២០២១ ដែលមានមណ្ឌលប្រឡង នៅក្នុងភូមិសាស្ត្ររាជធានីភ្នំពេញ និង ខេត្តកណ្ដាល។

ទន្ទឹមទៅនឹងការប្រកាសលទ្ធផលរួចរាល់ជាស្ថាពរ គេសង្កេតឃើញមហាជនអ្នកនិយមលេងបណ្ដាញសង្គមហ្វេសប៊ុក នាំគ្នាផ្ទុះការចាប់អារម្មណ៍ទៅលើបុរសម្នាក់ ដែលបានជូនការដូរ ឡាន MG6-2022 មួយគ្រឿង ជាចំណងដៃជូនទៅកាន់កូនប្រុសរបស់ខ្លួន ដែលបានប្រឡងជាប់សញ្ញាបត្រមធ្យមសិក្សាទុតិយភូមិ ថ្នាក់វិទ្យាសាស្ត្រសង្គម នៅមណ្ឌលប្រឡងវិទ្យាល័យឫស្សីកែវ រាជធានីភ្នំពេញ។

តាមរយៈការជូនការដូដ៏ពិសេស សម្រាប់ថ្ងៃជោគជ័យកូនរបស់ខ្លួន​ អាណាព្យាបាលដែលមានគណនីឈ្មោះ Prang Sela បានបង្ហោះសារបញ្ជាក់ថា ៖ «ថ្ងៃនេះ ជាថ្ងៃពិសេសណាស់ ដែលកូនប្រុសបានប្រឡងជាប់ថ្នាក់ទី ១២ មានកាដូរបន្តិចបន្តួច MG6-2022 ជូនកូនសម្លាញ់ ជូនពរដល់កូនសម្រេចអ្វីដូចបំណងណាកូន»៕