ទម្លាយមុខសិស្សឆ្នើម ជាប់និទ្ទេស A គ្រប់មុខម្នាក់ ពូកែហើយស្រស់ស្អាត គឺជាកូនអ្នកស្រុកក្រូចឆ្មារ

ក្រសួងអប់រំ យុវជន និង កីឡា នៅថ្ងៃទី ១៤ និង ថ្ងៃទី ១៥ ខែមករា ឆ្នាំ ២០២២ កន្លងទៅ បានចេញសេចក្ដីប្រកាសព័ត៌មាន ស្តីពីលទ្ធផលនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ២៧ ធ្នូ ២០២១ ដែលមានមណ្ឌលប្រឡង នៅតាមបណ្ដារាជធានី-ខេត្ត ក្នុងព្រះរាជាណាចក្រកម្ពុជា។

ទន្ទឹមទៅនឹងការប្រកាសលទ្ធផលរួចរាល់ជាស្ថាពរនោះ គេសង្កេតឃើញមហាជនអ្នកនិយមលេងបណ្ដាញសង្គមហ្វេសប៊ុក នាំគ្នាផ្ទុះការចាប់អារម្មណ៍ទៅលើយុវសិស្សមួយរូប ដែលទទួលបានលទ្ធផលប្រឡងសញ្ញាបត្រមធ្យមសិក្សាទុតិយភូមិ និទ្ទេស A គ្រប់មុខវិជ្ជា ជាអ្នកស្រុកក្រូចឆ្មារ ជាសិស្សនៃវិទ្យាល័យក្រូចឆ្មារ ក្នុងស្រុកក្រូចឆ្មារ ទឹកដីខេត្តត្បូងឃ្មុំ។

ប្អូនស្រីដែលមានរូបសម្រស់ស្រស់ស្អាត ថែមទាំងមានប្រាជ្ញាសិក្សាវាងវៃខាងលើ មានឈ្មោះថា ស៊ា ដាឡែន មានគណនីហ្វេសប៊ុកឈ្មោះ Len Berra ទទួលបាន A គ្រប់មុខវិជ្ជា ជោគជ័យក្នុងការប្រឡង សម័យ ២៧ ធ្នូ ២០២១ ដែលប្អូន មានលេខរៀង ៤៩២ ប្រឡងផ្នែកវិទ្យាសាស្ត្រពិត នៅមណ្ឌលប្រឡង អនុវិទ្យាល័យរស្មីកុមារ ខេត្តត្បូងឃ្មុំ៕