មកភ្នំពេញកុំបារម្ភ! ក្រសួងប្រកាសរើសសិស្សស្រី ១១០ នាក់ ស្នាក់នៅអន្តេវាសិកដ្ឋាន មិនគិតលុយមួយរៀល

ក្រសួងអប់រំ យុវជន​ និង កីឡា នៅថ្ងៃទី​ ១៧​ ខែមករា ឆ្នាំ ២០២២ នេះ បានចេញសេចក្ដីជូនដំណឹង ស្ដីពីការជ្រើសរើសនិស្សិតនារី មកស្នាក់នៅបណ្ដោះអាសន្ន នៅមជ្ឈមណ្ឌលអន្តេវាសិកនារី ក្នុងឆ្នាំសិក្សា ២០២១-២០២២។

ក្នុងនោះ ក្រសួងអប់រំ យុវជន និង កីឡា បានបញ្ជាក់ឱ្យនិស្សិតនារី ដែលកំពុងសិក្សាតាមរូបភាពអាហារូបករណ៍ និង បង់ថ្លៃ នៅតាមគ្រឹះស្ថានឧត្តមសិក្សាសាធារណៈទាំងអស់ថា មជ្ឈមណ្ឌលអន្តេវាសិកនិស្សិតនារី មានទីតាំងនៅវិទ្យាស្ថានឧត្តមសិក្សាសាធារណៈទាំងអស់ថា មជ្ឈមណ្ឌលអន្តេវាសិកនិស្សិតនារី ដែលមានទីតាំងនៅវិទ្យាស្ថានបច្ចេកវិទ្យាកម្ពុជា នឹងទទួលនិស្សិតនារីឆ្នាំទី ១ ឱ្យចូលស្នាក់នៅចំនួន ១១០ នាក់។

ដោយឡែក ឱកាសជ្រើសរើសនេះ នឹងផុតកំណត់ទទួលពាក្យ នៅថ្ងៃទី ២៨ ខែកុម្ភៈ ឆ្នាំ ២០២២ ខណៈការដាក់ពាក្យធ្វើឡើងនៅតាមគ្រឹះស្ថានឧត្តមសិក្សារបស់ខ្លួន ឬ អាចទំនាក់ទំនងព័ត៌មានបន្ថែម តាមរយៈទូរស័ព្ទលេខ ០១២ ៦៧ ៥៥ ៩០៕

សូមអានសេចក្ដីលម្អិតនៅខាងក្រោម៖