ផ្ទុះការគាំទ្រខ្លាំង! ចំពោះតារាវ័យក្មេង ៦ រូប បន្ទាប់ពីសម្តែងរឿងភាគឱ្យ «ហង្សមាស»
បច្ចុប្បន្នទស្សនិកជនជាច្រើនបានងាកមកគាំទ្ររឿងភាគក្នុងស្រុក ជាពិសេសរឿងភាគល្បីៗដែលបាននិងកំពុងចាក់បញ្ចាំងនៅលើកញ្ចក់ទូរទស្សន៍ហង្សមាស HDTV ដែលសុទ្ធសឹងជាខ្សែភាពយន្តភាគមានគុណភាព និងចូលរួមសម្តែងដោយតារាក្មេងចាស់ដ៏មានសមត្ថភាពជាច្រើនដួង ។ ក្នុងនោះគេសង្កេតឃើញថា តារាសម្តែងវ័យក្មេង ៦ ដួងបាទទួលការគាំទ្រយ៉ាងខ្លាំងបន្ទាប់ពីពួកគេបានសម្តែងរឿងភាគឲ្យស្ថានីយទូរទស្សន៍ដ៏ពេញនិយមមួយនេះ ។
រឿង «សិសិររដូវក្នុងបេះដូង» ដែលជារឿងភាគដំបូងរបស់ ហង្សមាស ទទួលបានជោគជ័យជាខ្លាំង ហើយតួសម្តែងក៏ទទួលបាននូវការគាំទ្រខ្លាំងដូចគ្នាផងដែរ ។ ជាក់ស្តែងតួអង្គវ័យក្មេងប្រុស-ស្រី ៣ ដួងនៅក្នុងរឿងនេះសុទ្ធតែមានឈ្មោះបោះសំឡេងបន្ទាប់ពីលេចមុខនៅក្នុងរឿងភាគដ៏ល្បីមួយនេះ ។
តួសម្តែងវ័យក្មេង ៣ រូបទៀតក៏កំពុងតែទទួលបាននូវការគាំទ្រខ្លាំងមិនធម្មតាដូចគ្នានៅពេលដែលពួកគេលេចមុខ ក្នុងរឿងភាគកំពុងល្បី គឺរឿង «ផ្កាថ្ម» របស់ប៉ុស្តិ៍ហង្សមាស ។ រឿង «ផ្កាថ្ម» កំពុងតែស្រូបយកការគាំទ្រមិនធម្មតានោះទេ ដោយទស្សនិកជនទូទាំងប្រទេសកំពុងតែសរសើររឿងភាគខ្មែរមួយនេះថា ពិតជាល្អមើលមិនចាញ់រឿងប្រទេសជិតខាងឡើយ ៕
