ប្រឡូកសិល្បៈជាង ២ ទសវត្សរ៍ ជា វិបុល ធ្លាប់ឈ្នះពានរង្វាន់ធំៗដល់ទៅ ៤ លើក

ប្រិយមិត្តបានស្គាល់រួចមកហើយ ពីពិធីករសម្បូរដោយវោហារពូកែកំប្លុកកំប្លែងចាក់ទឹកមិនលិច លោក ជា វិបុល ដែលកន្លងមកគេតែងឃើញវត្តមានលោកនៅក្នុងកម្មវិធីតូចធំជាច្រើន មិនថាកម្មវិធីផ្លូវការធំៗ នៅលើឆាកតន្ត្រី កម្មវិធីប្រឡងចម្រៀងធំៗ ឬធ្វើជាពិធីករនៅតាមពិធីមង្គលការផ្សេងៗឡើយ។

បើគិតមកដល់ឆ្នាំ ២០២២ នេះ ជា វិបុល អះអាងថា លោកចូលខ្លួនប្រឡូកក្នុងវិស័យសិល្បៈជាង ២០ ឆ្នាំមកហើយ ដែលរយៈពេលជាង ២ ទសវត្សរ៍ដើរលើវិថីមួយនេះ លោកបានសាងឈ្មោះល្បីល្បាញ មានមហាជនជាច្រើនទទួលស្គាល់ពីសមត្ថភាព ទេពកោ​សល្យ​​កោសល្យលើសគេរបស់លោក។ ដោយសារតែមានសមត្ថភាពផ្នែកសិល្បៈយ៉ាងប៉ិនប្រសប់នេះហើយទើប ជា វិបុល ឈ្នះបានពានពីសិល្បៈធំៗដល់ទៅ ៤ លើក៖

– ឆ្នាំ២០០២ ពានរង្វាន់ Freshie Boy លេខ១

– ឆ្នាំ២០១២ ពានរង្វាន់ពិធីករពិធីការិនីឆ្នើម និងស័ក្ដិសម
– ឆ្នាំ ២០១៣ ពានរង្វាន់ពិធីករឆ្នើមទូទាំងប្រទេស
– ឆ្នាំ ២០១៦ មេដាយ Freshie គំរូ