ផ្អើលអស់អ្នកគាំទ្រ! កំពូលតារាស្រី ៣ ដួង Aff, Pancake និង Taew ត្រូវប៉ះគ្នាលើកដំបូង

កាលពីពេលថ្មីៗនេះ មហាជនកំពុងតែផ្ទុះការចាប់អារម្មណ៍ និង ភ្ញាក់ផ្អើលខ្លាំង បន្ទាប់ពីបានឃើញកំពូលតារាជួរមុខជាច្រើនដួងបានប៉ះគ្នាសម្តែងរឿងភាគមួយយ៉ាងកក្រើកមិនធ្លាប់មានពីមុនមក។

ជុំវិញដំណឹងមួយនេះដែរ បើតាមការបង្ហើបឱ្យដឹងពីសារព័ត៌មានក្នុងស្រុកមួយបានទម្លាយថា នៅក្នុងខ្សែភាពយន្តភាគថ្មីមួយនេះក៏មានការរួមសម្តែងយ៉ាងអស្ចារ្យពីកំពូលតារាស្រី ៣ ដួង ដែលដើរតួសំខាន់នៅក្នុងខ្សែភាពយន្តមួយខ្សែនេះ រួមមានតារាស្រី Aff Tasaorn , Pancake និង តារាស្រី Taew Natapohn ។ ចំណែកឯ តួប្រុសក៏មានតារាប្រុស Boy Pakorn ,Mario Maurer និង តារាប្រុស New Chaiyapol និង មានតារាសម្តែងល្បីៗជាច្រើនមដួងទៀតផងដែរ។

យ៉ាងណាមិញ ចំពោះចំណងជើងរឿងដែលកំពូលតារាប្រុសស្រីល្បីៗទាំងនេះបានរួមសម្តែង និង ត្រៀមចាក់បញ្ចាំងនៅពេលខាងមុខនេះមានចំណងជើងថា «SIX CHARACTERS มายาพิศวง »។ ទោះជាយ៉ាងណា នេះវាពិតជាដំណឹងមួយដែលកំពុងតែធ្វើឱ្យអ្នកគាំទ្ររំភើបចិត្ត និង អន្ទះសាស្ទើរតែគ្រប់គ្នាចង់ឃើញស្នាដៃសម្តែងរបស់កំពូលតារាស្រីប្រុសទាំងនេះសម្តែងរួមគ្នាក្នុងពេលឆាប់ខាងមុខនេះណាស់៕

ប្រភព៖ Nineentertain