ត្រៀមឆ័ត្រ និង អាវភ្លៀង! ចាប់ពីស្អែក អាចមានភ្លៀងផ្គរ នៅតាមតំបន់ទាំងនេះ

ក្រសួងធនធានទឹក និង ឧតុនិយម នៅព្រឹកថ្ងៃទី ០៨ ខែកុម្ភៈ ឆ្នាំ ២០២២ នេះ បានចេញសេចក្តីជូនដំណឹងស្ដីពី ស្ថានភាពធាតុអាកាស ចាប់ពីថ្ងៃទី ៩-១៥ ខែកុម្ភៈ ឆ្នាំ ២០២២ ឱ្យបានដឹងថា ក្នុងសប្ដាហ៍ខាងមុខ កម្ពុជា នឹងទទួលនូវឥទ្ធិពលពីជ្រលងសម្ពាធទាប (ឥណ្ឌូនេស៊ី) ក្នុងកម្រិតពីខ្សោយទៅមធ្យម។ ទន្ទឹមនោះ ឥទ្ធិពលនៃទ្រនុងសម្ពាធខ្ពស់ (ចិន) ក៏នៅមាននៅឡើយ ដែលអាចបង្កើតបានជាការប្រសព្វមុខគ្នារវាងធាតុក្ដៅ-ត្រជាក់ (Convection) បណ្តាលឱ្យមានភ្លៀងឡូកាល់ (Local) ដោយអន្លើ។

ស្ថានភាពបែបនេះនឹងធ្វើឱ្យ ៖

១. បណ្តាខេត្តនៅតំបន់វាលទំនាបកណ្ដាល

– សីតុណ្ហភាពអប្បបរមា មានពី ២៣-២៦ °C

– សីតុណ្ហភាពអតិបរមា មានពី ៣៣-៣៦ °C

– អាចមានភ្លៀងផ្គរ ក្នុងកម្រិតពីខ្សោយទៅច្រើន។ ក្នុងនោះ បណ្តារាជធានី-ខេត្ត នៅភាគខាងក្រោម អាចមានបរិមាណភ្លៀងច្រើនជាង។

២. បណ្តាខេត្តជាប់ជួរភ្នំដងរែក និងខ្ពង់រាបឦសាន

– សីតុណ្ហភាពអប្បបរមា មានពី ២៣-២៦ °C

– សីតុណ្ហភាពអតិបរមា មានពី ៣៣-៣៦ °C

– អាចមានភ្លៀងផ្គរ ក្នុងកម្រិតពីខ្សោយទៅមធ្យម។

៣. តំបន់មាត់សមុទ្រ

– សីតុណ្ហភាពអប្បបរមា មានពី ២២-២៥ °C

– សីតុណ្ហភាពអតិបរមា មានពី ២៧-៣០ °C

– អាចមានភ្លៀងផ្គរ ក្នុងកម្រិតពីមធ្យមទៅច្រើន៕

ខាងក្រោមនេះ ជាសេចក្ដីប្រកាសរបស់ក្រសួងធនធានទឹក និងឧតុនិយម ៖