ច្បារអំពៅលែងស្ទះហើយ! សាលាក្រុងដាក់ឱ្យប្រើស្រឡាងចម្លងពីកោះពេជ្រ-កោះនរា ចាប់ពីថ្ងៃ ២១ តទៅ

រដ្ឋបាលរាជធានីភ្នំពេញ នៅថ្ងៃទី ១៨ ខែកុម្ភៈ ឆ្នាំ ២០២២ បានចេញសេចក្ដីជូនដំណឹង ស្តីពីការដាក់ឱ្យដំណើរការជាបណ្តោះអាសន្ន ស្រឡាងចម្លងកោះពេជ្រ-កោះនរា ឆ្លងកាត់ទន្លេបាសាក់ ក្នុងព្រំប្រទល់ខណ្ឌចំការមន និង ខណ្ឌច្បារអំពៅ រាជធានីភ្នំពេញ។

ក្នុងនោះ ខាងរដ្ឋបាលរាជធានី បានលើកឡើងឱ្យដឹងថា រដ្ឋបាលរាជធានីភ្នំពេញ បានអនុញ្ញាតជូនក្រុមហ៊ុនជលយានចម្លងអរិយក្សត្រ អាន សំអន ឯ.ក ធ្វើអាជីវកម្មសាឡាងចម្លងអ្នកដំណើរ រួមទាំងមធ្យោបាយយានយន្តគ្រប់ប្រភេទឆ្លងកាត់ទន្លេបាសាក់ ជាបណ្ដោះអាសន្ន ចាប់ពី ថ្ងៃទី ២១ ខែ កុម្ភៈ ឆ្នាំ២០២២ នេះតទៅ ដោយចាប់ផ្តើមពីម៉ោង ៦:០០ នាទីព្រឹក ដល់ម៉ោង ១៩ : ០០ នាទីយប់ ជារៀងរាល់ថ្ងៃ។

រដ្ឋបាលរាជធានីភ្នំពេញ បញ្ជាក់បន្ថែមថា ការសម្រេចបែបនេះ គឺដើម្បីជួយសម្រួលដល់ការធ្វើដំណើរ របស់បងប្អូនប្រជាពលរដ្ឋ ឆ្លងកាត់ស្ពានព្រះមុនីវង្ស ដែលតែងតែជួបប្រទះនូវការកកស្ទះចរាចរជាញឹកញាប់ និង ដោយសារតែស្ពានកោះពេជ្រ-កោះនរា កំពុងតែដំណើរការ សាងសង់៕

សូមអានសេចក្ដីលម្អិតនៅខាងក្រោម ៖