នេះហើយជាជីវិតបច្ចុប្បន្នរបស់តួរឿង «វណ្ណនីដា» ល្បីខ្លាំងបំផុត កាលពី ៣០ ឆ្នាំមុន
«វណ្ណនីដា» ជាខ្សែភាពយន្តភាគថៃដែលចេញក្នុងឆ្នាំ ១៩៩១ ហើយល្បីរន្ទឺជាខ្លាំង រហូតមានការយកមកចាក់ផ្សាយនៅតាមស្ថានីយទូរទស្សន៍ខ្មែរផងដែរ។
បើទោះបីជារំលងទៅអស់ជាង ៣០ ឆ្នាំហើយក៏ពិតមែនតែសាច់រឿងមួយនេះ ក៏ហាក់នៅដិតជាប់អារម្មណ៍របស់ប្រិយមិត្តមួយចំនួន។ យ៉ាងណាមិញ បើនិយាយពីជីវិតតួសម្តែងក្នុងរឿងនេះវិញ ហាក់ប្រែប្រួលគួរឱ្យកត់សម្គាល់ដូចគ្នា។
១. Sarunyoo Wongkrachang
លោក Sarunyoo បានសម្តែងជាតួនាយ ប្រាចាក់ បុរសរូបសង្ហា មានមន្តស្នេហ៍នៅក្នុងរឿងនេះ។ តែគួរឱ្យសោកស្តាយជាខ្លាំង តួឯកប្រុសជើងចាស់រូបនេះ បានលាចាកលោកបាត់ទៅហើយ ដោយសារតែជំងឺមហារីក ក្នុងវ័យ ៥៩ ឆ្នាំ។
២. Mew Lalita
តួឯកស្រី វណ្ណនីដា សម្តែងដោយតារាស្រី Mew Lalita ដែលជាតារាឆ្នើមជើងចាស់ មានទេពកោសល្យយ៉ាងប៉ិនប្រសប់វ។ សព្វថ្ងៃរូបនាងមានវ័យ ៥០ ឆ្នាំ នឹងនៅតែបន្តអាជីពជាតារាសម្តែង និង ពិធីការិនី។ តារាស្រី Mew បានរៀបការជាមួយមន្ត្រីប៉ូលិសលោក Narabadi នៅឆ្នាំ ២០០១ ហើយមានកូនប្រុសចំនួន ២ នាក់។ នៅឆ្នាំ ២០១៦ អ្នកស្រីនឹងស្វាមីបានបញ្ចប់ជីវិតគូ ដោយលែងលះជាមួយស្វាមី ក្រោយរៀបការបាន ១៥ ឆ្នាំ។
៣. Radchanok Saeng Chuto
អ្នកស្រី Radchanok សម្តែងជាតួនាង ភិសម័យ បច្ចុប្បន្នមានវ័យ ៥១ ឆ្នាំ។ អ្នកស្រីនៅតែជាតារាសម្តែងជើងចាស់ ដែលមានសម្រស់ស្រស់ស្អាត និងទេពកោសល្យគួរឱ្យស្ងើចសរសើរ។ អ្នកស្រីបានរៀបការជាមួយលោក Wattachai ហើយមានកូនប្រុសចំនួន ២ នាក់៕
