ផ្អើលអ្នកពាក់ព័ន្ធ! នៅមុននេះ Great និង Alek ប្រកាសឆ្លងកូវីដ-១៩ ទាំងពីរនាក់

គេសង្កេតឃើញថា ទោះបីខណៈនេះប្រជាជនថៃទទួលបានវ៉ាក់សាំងច្រើនក៏ដោយ តែអត្រាអ្នកឆ្លងជំងឺកូវីដ-១៩ ក្នុងប្រទេស ប្រចាំថ្ងៃ ហាក់នៅតែស្ថិតនៅកម្រិតក្រហមនៅឡើយ។ ដោយឡែក បើក្រឡេកទៅមើលក្នុងរវង្វង់សិល្បៈថៃឯណេះវិញ ថ្មីៗនេះ ស្រាប់តែមានតារាប្រុសស្រីជាច្រើនរូបទៀត បានឆ្លងកូវីដ-១៩។

តួយ៉ាង នៅថ្ងៃទី ២៣ ខែកុម្ភៈ ឆ្នាំ ២០២២ នេះ ស្រាប់តែមានការភ្ញាក់ផ្អើលយ៉ាងខ្លាំង ដោយនៅសុខៗតារាសម្ដែង លោក Great Varintorn និង មិត្តសម្លាញ់ Alek theeradeth បានចេញមកបង្ហោះលទ្ធផលតេស្តរបស់ខ្លួននៅលើគណនីអ៊ីនស្ត្រាក្រាមថាលោក បានតេស្តរកឃើញឆ្លងជំងឺកូវីដ-១៩ ដោយពេលនេះអ្នកទាំងពីរត្រូវបានគ្រូពេទ្យអនុញ្ញាតិឱ្យព្យាបាលនៅផ្ទះបានដោយខ្លួន​ឯង។

ទន្ទឹមជាមួយគ្នានោះ អ្នកទាំងពីរក៏បានអំពាវនាវ រាល់អ្នកដែលបានពាក់ព័ន្ធជាមួយលោក ឱ្យតាមដានសុខភាពដូចគ្នា​។ បើក្រឡេកទៅមើលមហាជនឯណោះវិញ ក្រោយពីបានដំណឹងថាតារាប្រុសពីររូបនេះឆ្លងកូវីដ-១៩ ម្នាក់ៗពិតជាមានក្ដីបារម្ភណាស់ ហើយពួកគេក៏បានសរសេរសារលើកទឹកចិត្ត ព្រមទាំងជូនពរអ្នកទាំងពីរជាច្រើនផងដែរ នៅលើបណ្ដាញសង្គម៕

ប្រភព៖ Instagram