ផ្អើលហើយ! ផ្ទុះរឿងខ្លាំងពេក ពេលនេះ Robert ព្រមចេញមុខសារភាពហើយ

មកទល់ពេលនេះហើយ មានមហាជនមិនតិចនោះទេ ដែលបានបង្ហាញក្តីអាសូរដល់ តារាស្រី Tangmo នោះ ខណៈសាកសពក៏នឹង​ជិតរៀបចំពិធីបូជាហើយដែរ ចំណែកឯរឿងក្តីក៏នៅពុំទាន់ស៊ើបអង្កេតដឹងពីមូលហេតុនៃការស្លាប់យ៉ាងពិតប្រាកដនៅឡើយ។

ដោយឡែក អ្វីដេលមហាជនស្រឡាងកាំងនោះ គឺមកទល់ពេលនេះក្រុមបុគ្គល ៥ នាក់ដែលមានវត្តមាននៅលើទូកជាមួយ Tangmo ក្នុងថ្ងៃកើតហេតុនោះ ពួកគេបានចេញមុខផ្តល់ចម្លើយទៅកាន់ខាងសមត្ថកិច្ចហើយ តែការផ្តល់ចម្លើយទាំងនោះមហាជនគិតថា ហាក់មិនសមទៅនឹងហេតុការណ៍ដែលបានកើតឡើងឡើយ រហូតមហាជនខ្លះគិតថា វាហាក់បីដូចជាមាន​អាថ៌កំបាំងអ្វីម្យ៉ាង នៅពីក្រោយរឿងហេតុដែលបានកើតឡើង។

ជាពិសេស អ្វីដែលភ្ញាក់ផ្អើលខ្លាំង ពេលនេះ Robert ជាបុរសម្នាក់ដែលនៅក្នុងហេតុការណ៍លើទូកនោះ ក៏បានចេញមុខសារភាពនៅចំពោះមុខអ្នកកាសែត ក៏ដូចជាសមត្ថកិច្ចហើយកាលពីថ្ងៃទី ៨ ខែមីនា ឆ្នាំ ២០២២ កន្លងទៅថា៖ «ពេលកើតហេតុរូបលោកមិនចេះបើកទូកឡើយ តែដោយសារតែចង់សាក ទើបឡើងទៅបើក រហូតធ្វើឱ្យទូកដែលលោកកំពុងតែបើកមានល្បឿនលឿន ហើយមានសភាពកញ្ឆក់ៗ ពេលនោះក៏ធ្វើឱ្យ Tangmo ធ្លាក់ពីលើទូក ខណៈដែលនាងកំពុងតែបត់ជើងតូច»។

យ៉ាងណាមិញ ក្រោយបានឮចម្លើយសារភាពរបស់ Robert បែបនេះហើយ វារឹតតែធ្វើឱ្យមហាជនកាន់តែប្រតិកម្មលើសដើម ដោយគ្មានអ្នកណាជឿសម្តីលោកឡើយ ដោយម្នាក់ៗនៅតែគិតថា វាអាចទាក់ទងទៅនឹងរឿងអាថ៍កំបាំងជាច្រើនទៀត ដែលក្រុមអ្នកទាំង ៥ នោះ មិនព្រមសារភាពតាមត្រង់ តែទោះជាយ៉ាងណាខាងសមត្ថកិច្ចក៏កំពុងតែស៊ើបបន្តទៀតដែរពេលនេះ៕

ប្រភព៖ khaosod