យ៉ូយៗ ថ្ងៃកំណើត Yaya ឆ្នាំនេះ Nadech ជួនពរតែមួយឃ្លា ផ្អើលអ្នកគាំទ្រទាំងព្រឹក

ធ្មេចបើកៗ ពេលនេះតារាស្រី Yaya កើនវ័យមួយឆ្នាំទៀតហើយ ជាក់ស្តែងនៅថ្ងៃទី ១៨ ខែមីនា ឆ្នាំ ២០២២ នេះ គឺត្រូវជាថ្ងៃកំណើតគម្រប់អាយុ ២៩ ឆ្នាំរបស់នាង តែកុំមើលវ័យ និង រូបសម្រស់របស់នាងនៅតែក្មេង។

ជាមួយគ្នានឹងថ្ងៃពិសេសនេះដែរ ឃើញថាសង្សារបណ្តូលចិត្តរូបសង្ហារបស់នាង គឺ Nadech ក៏បានបង្ហើបពាក្យជូនពរផ្អើលអ្នកគាំទ្រទាំងព្រឹកតែម្តង។ ក្នុងនោះលោកបានបង្ហោះរូបភាពគូពីរនាក់សង្សារបណ្តូលចិត្ត Yaya នៅក្នុងគណនី IG ផ្ទាល់ខ្លួនរបស់លោក ដោយភ្ជាប់ជាមួយនឹងពាក្យជូនពរថា ៖ « រីករាយថ្ងៃកំណើតមនុស្សស្រីដែលខ្ញុំស្រឡាញ់ជាងគេលើលោក»។

ពាក្យជូនពររបស់លោកហាក់ធ្វើឱ្យមហាជនឮហើយរំភើបចិត្ត និង លួចច្រណែន Yaya ជានារីគូស្នេហ៍របស់លោកណាស់ ដែលមានបុរសល្អបែបនេះនៅក្បែរស្ទើរតែមិនដែលឃ្លាតរយៈពេល ១២ ឆ្នាំមកនេះ៕

ប្រភព៖ khaosod