គណកម្មការរត់ចែកជើងគ្នា! ដោយសារតែពស់វែកមួយក្បាលនៅលើឆាកសម្តែង (វីដេអូ)
សប្តាហ៍ដំបូងរបស់កម្មវិធីលំដាប់ថ្នាក់ពិភពលោក Cambodia’s Got Talent ដែលបានចាក់ផ្សាយនៅលើកញ្ចក់ទូរទស្សន៍ហង្សមាស HDTV កាលពីយប់មិញនេះបានប្រមូលផ្តុំទៅដោយបេក្ខជនជាច្រើនរូបដែលមានទេពកោសល្យប្លែកៗ ។
បេក្ខជនម្នាក់ឈ្មោះ គង់ សំអាត បានបញ្ចេញសមត្ថភាពពិសេសដោយការយកពស់វែកពិតៗមកលេង លើឆាកជាមួយ ឱបផង ថើបផង និង ឲ្យពស់វាលើខ្លួនតាមចិត្តដែលមើលទៅពិតជាគួរឲ្យស្រៀវស្ញើបមែនទែន ។ មិនត្រឹមតែប៉ុណ្ណោះថែមទាំងបានយកពស់ចុះឲ្យមកលេងជាមួយគណកម្មការទៀតផង ដែលធ្វើឲ្យគណកម្មការរត់ចែកផ្លូវគ្នាតែម្តង ។
នេះគ្រាន់តែសប្តាហ៍ដំបូងប៉ុណ្ណោះតែសង្កេតឃើញថាមានការសម្តែងប្លែកៗជាច្រើនគួរឲ្យជក់ចិត្តយ៉ាងខ្លាំង ។ រង់ចាំទស្សនបន្តទៀតដែលមានចាក់ផ្សាយរៀងរាល់ថ្ងៃអាទិត្យ វេលាម៉ោង ៨យប់ នៅលើប៉ុស្តិ៍ហង្សមាស HDTV ៕
