បង្ហាញមុខម្ចាស់ពានទាំង ១៤ ប្រចាំឆ្នាំ ក្នុងកម្មវិធីដ៏អស្ចារ្យ PMA បានទៅលើតារាល្បីៗទាំងនេះ
ក្រោយពីបានត្រៀមរៀបចំ និង ធ្វើការដាក់ឱ្យមហាជនអ្នកគាំទ្របោះឆ្នោតជាច្រើនសប្ដាហ៍ចំពោះ សិល្បករ-ការិនី និង Influencer ដើម្បីស្វែងរកម្ចាស់ពានទាំង ១៤ ប្រចាំឆ្នាំ ២០២២ នោះ នៅរាត្រីថ្ងៃទី ១៩ ខែមីនា ឆ្នាំ ២០២២ នេះ កម្មវិធីប្រគល់ពានរង្វាន់ដ៏អស្ចារ្យ ដែលបានរៀបចំឡើងដោយ Pleng បានប្រព្រឹត្តទៅយ៉ាងរលូន ដែលបានធ្វើការប្រកាស និងប្រគល់ពានរង្វាន់ឆ្នើមនីមួយៗប្រចាំឆ្នាំផងដែរ។
ក្នុងនោះ សិល្បករ-ការិនី និង Influencer ដែលបានក្លាយជាម្ចាស់ពានរង្វាន់ទាំងនេះរួមមាន ៖
១. ពានរង្វាន់ «បទចម្រៀងប្រចាំឆ្នាំ» បានទៅលើបទចម្រៀង «វីរៈនារី» កញ្ញា ទេព បូព្រឹក្ស
២. ពានរង្វាន់ «សិល្បករប្រចាំឆ្នាំ» បានទៅលើតារាចម្រៀង Original Song លោក ស៊ូលី ផេង
៣. ពានរង្វាន់ «សិល្បការិនីប្រចាំឆ្នាំ» បានទៅលើតារាចម្រៀង កញ្ញា តន់ ច័ន្ទសីម៉ា
៤. ពានរង្វាន់ «សិល្បករ ឬ សិល្បការិនីថ្មីប្រចាំឆ្នាំ» បានទៅលើតារាចម្រៀង កញ្ញា អ៊ុក សុវណ្ណារី
៥. ពានរង្វាន់ «បទចម្រៀងរួមគ្នាប្រចាំឆ្នាំ» បានទៅលើបទចម្រៀង «ទេពធីតា» របស់ លោក Heng និង Ran
៦. ពានរង្វាន់ «វីដេអូចម្រៀងប្រចាំឆ្នាំ» បានទៅលើបទចម្រៀង «វីរៈនារី» របស់តារាចម្រៀង ទេព បូព្រឹក្ស
៧. ពានរង្វាន់ «ក្រុមចម្រៀងប្រចាំឆ្នាំ» បានទៅលើក្រុមចម្រៀង Small World Small Band
៨. ពានរង្វាន់ «បទចម្រៀងស្តាប់ច្រើនជាងគេ» បានទៅលើបទចម្រៀងរបស់ តារាចម្រៀង Original Song លោក ស៊ូលី ផេង
៩. ពានរង្វាន់ «សិល្បការិនីស្តាប់ច្រើនជាងគេ» បានទៅលើ តារាចម្រៀង តន់ ច័ន្ទសីម៉ា
១០. ពានរង្វាន់ «សិល្បករស្តាប់ច្រើនជាងគេ» បានទៅលើ តារាចម្រៀង ខេម
១១. ពានរង្វាន់ «សមិទ្ធិផលដ៏អស្ចារ្យនៃជីវិត» បានទៅលើ តារាចម្រៀង ព្រាប សុវត្ថិ
១២. ពានរង្វាន់ «វីដេអូចម្រៀងដែលមានបច្ចេកទេសថតលេចធ្លោប្រចាំឆ្នាំ» បានទៅលើបទចម្រៀង «វីរៈនារី» របស់ តារាចម្រៀង ទេព បូព្រឹក្ស
១៣. ពានរង្វាន់ «វីដេអូចម្រៀងដំបូងគេដែលមានការមើល ១០០ លានដងក្នុង Youtube» បានទៅលើបទចម្រៀង «Are You Okay?» របស់ តន់ ច័ន្ទសីម៉ា
១៤. ពានរង្វាន់ «អ្នកបង្កើតមាតិកាប្រចាំឆ្នាំ ២០២២» បានទៅលើ លោក ខេមរា
