ទីបំផុត តារាប្រុសកម្ពស់ជាង ២ ម៉ែត្រ Yokyek ចូលរោងការហើយ ជាមួយស្រីស្អាតម្នាក់!

ប្រិយមិត្តប្រាកដជាបានជ្រាប់មកហើយពីរឿងរ៉ាវជីវិតពេលបច្ចុប្បន្នរបស់ តារាសម្តែង ក៏ដូចតារាកំប្លែងកម្ពស់ជាង ២ ម៉ែត្រ លោក Yokyek ក្រោយឃ្លាតឆ្ងាយពីការងារសិល្បៈយ៉ាងយូរ។ យ៉ាងណាមិញ ការឃ្លាតឆ្ងាយពីសិល្បៈនេះ ក៏ព្រោះតែលោកបានសម្ងំព្យាបាលជំងឺ និង ជាប់ធុរៈធ្វើអាជីវកម្មផ្ទាល់ខ្លួនរបស់លោកផងដែរ។

ជាក់ស្តែង បើងាកមកមើលជីវិតស្នេហ៍របស់តារាប្រុសកម្ពស់ជាង ២ ម៉ែត្ររូបនេះ ពេលនេះលោកបានរៀបការជាមួយនារីក្រៅរង្វង់សិល្បៈម្នាក់រួចមកហើយ។ ជាពិសេស បើថ្វីដ្បិតតែលោកមានរូបរាងកម្ពស់ខុសប្លែកពីអ្នកដទៃ តែបើងាកទៅមើលមនុស្សស្រីដែលជាដៃគូជីវិតរបស់លោកវិញ ជឿជាក់ថា មហាជនឃើញហើយលាន់មាត់ជាក់ជាពុំខាន ព្រោះនាងជានារីម្នាក់ដែលមានសំណាងទទួលបានការស្រឡាញ់យ៉ាងយកចិត្តទៅដាក់ពី Yokyek។ មិនតែប៉ុណ្ណោះ បើនិយាយពីរូបសម្រស់របស់នាងវិញ ក៏ស្អាតមិនចាញ់អ្នកសិល្បៈប៉ុន្មានឡើយ រហូតមហាជនលាន់មាត់គ្រប់គ្នាថា ភរិយារបស់លោកស្អាតខ្លាំងទៀតផង។

យ៉ាងណាមិញ មកទល់ពេលនេះឃើញថា ជីវិតគូរបស់លោក និង ភរិយា ហាក់កំពុងតែមានក្តីសុខណាស់ ពោលគឺតែងតែបង្ហាញភាពផ្អែមល្ហែមនៅលើបណ្តាញសង្គមជារឿយៗ ដើម្បីឱ្យមហាជនបានដឹងពីសុខទុក្ខរបស់លោកផងដែរ៕