ផ្អើលអស់ហ្វេសន! James Ma តារាប៉ុស្តិ៍លេខ ៣ ម្នាក់ទៀតហើយ ប្រកាសឆ្លងកូវីដ-១៩
មុននេះបន្តិច James Ma តារាប្រុសរូបសង្ហា មានមន្តស្នេហ៍ និង ស្នាមញញឹមស្រស់ ដែលអាចឆក់យកដួងចិត្តអ្នកគាំទ្រនារីៗជាច្រើននាក់ បានប្រកាសវិជ្ជមានកូវីដ-១៩។
ក្នុងសេចក្តីប្រកាសរបស់ James Ma បានរៀបថា ៖ «កាលពីថ្ងៃទី ២៣ ខែមីនា វេលាម៉ោង ១៦ និង ០០ នាទី ខ្ញុំទទួលបានដំណឹងថាមានមនុស្សជិតស្និទ្ធឆ្លងកូវីដ ហេតុដូចនេះក្រោយចប់ការងារភ្លាម ខ្ញុំក៏ប្រញាប់ទៅធ្វើតេស្ត RT-PCR នៅមន្ទីរពេទ្យភ្លាម ដើម្បីឱ្យច្បាស់ក្នុងចិត្ត ហើយលទ្ធផលចេញមកគឺខ្ញុំវិជ្ជមានបាទ»។
«ហើយនៅថ្ងៃទី ២៣ មីនា ដដែល មុនពេលទៅតេស្ត RT-PCR ខ្ញុំក៏បានធ្វើតេស្តរហ័ស ATK ដូចគ្នា តែលទ្ធផលចេញមកអវិជ្ជមាន។ យ៉ាងណាមិញពេលនេះ ខ្ញុំកំពុងតែផ្តាច់ខ្លួនថែរក្សាសុខភាព ពីអ្នកជិតស្និទ្ធរួចរាល់ហើយ ខ្ញុំសុំអភ័យទោសចំពោះអ្នកដែលពាក់ព័ន្ធគ្រប់គ្នាផងបាទ»។
បន្ថែមពីនេះ គេក៏សង្កេតឃើញមានតារាប្រុសស្រី និង ហ្វេនក្លឹបជាច្រើននាក់ ចូលរួមជូនពរឱ្យលោកឆាប់ជាសះស្បើយ ដើម្បីឆាប់បានត្រលប់មកធ្វើការវិញដូចគ្នាផងដែរ៕
