ភ្ញាក់ផ្អើលខ្លាំង! ទីបំផុត សាន់ឆាយ និង ស្វាមីថ្មី ចេញមុខបង្ហាញខ្លួនជាមួយគ្នាលើកដំបូងហើយ!
នៅថ្ងៃទី ១៧ ខែមេសា ឆ្នាំ២០២២ បើតាមការចុះផ្សាយរបស់ Osen បានឱ្យដឹងថា DJ Koo ឬ លោក Koo Jun Yup និងតារាសម្តែងស្រី Barbie Hsu ដែលអ្នកគាំទ្រស្គាល់ថាជា សាន់ឆាយ បានបង្ហាញខ្លួនជាមួយគ្នាជាលើកដំបូង បន្ទាប់ពីរៀបការនៅថ្ងៃទី ០៨ ខែមីនា។
គូស្នេហ៍មួយគូនេះ ត្រូវបានគេប្រទះឃើញអង្គុយញ៉ាំអាហារក្បែរគ្នារួមតុជាមួយអ្នកជិតដិតរបស់អ្នកទាំងពីរ។ ក្នុងនោះ តារាស្រីរូបនេះក៏ចង់ជួយស្វាមីរបស់នាងពង្រីកអាជីវកម្មផ្ទាល់ខ្លួននៅតៃវ៉ាន់ផងដែរ។ ហើយក្រុមការងាររបស់នាង ក៏គាំទ្រដល់ការងាររបស់ DJ Koo ផងដែរ។ ពេលនេះ ក៏មានផលិតករជាច្រើនបានកំពុងទាក់ទងជាមួយនឹង DJ Koo ដើម្បីសម្ដែងទៀតផង។
គួរបញ្ជាក់ផងដែរថា DJ Koo និង សាន់ឆាយ អ្នកទាំងពីរធ្លាប់បានទាក់ទងគ្នាតាំងពីឆ្នាំ ១៩៩៨ នៅពេលដែល DJ ជាសមាជិកក្រុម Clone ដែលមានប្រជាប្រិយភាពខ្លាំងនៅតៃវ៉ាន់កាលពីពេលនោះ។ អ្នកទាំងពីរបានស្រឡាញ់គ្នាប្រហែល ១ឆ្នាំ ហើយក៏បានបែកគ្នាវិញ ដោយសារតែការងារមមាញឹក និង នៅឆ្ងាយគ្នាពេក។
ក្រោយបែកគ្នាអស់ច្រើនឆ្នាំ នៅពេលដែលដឹងថា សាន់ឆាយបានលែងលះគ្នា DJ Koo ក៏បានទូរស័ព្ទមកនាង ដើម្បីណាត់ជួបគ្នាម្ដងទៀត។ ហើយលោកបានហោះហើរមកតៃវ៉ាន់ នៅថ្ងៃទី ០៩ ខែមីនា ដោយបានដាក់ខ្លួនចត្តាឡីស័កចំនួន ១០ថ្ងៃ៕
