ចេញក្ដៅៗ! បទ «RUN THE TOWN» របស់ វណ្ណដា និង តារារ៉េបថៃល្ប ៣ រូប កំពុងផ្ទុះខ្លាំង
ទីបំផុតអ្វីដែលមហាជនអ្នកប្រើប្រាស់បណ្ដាញសង្គម ជាពិសេសអ្នកគាំទ្រតារាចម្រៀងរ៉េវវ័យក្មេង វណ្ណដា បានស្ដាប់បទស្នាដៃដំបូងរបស់លោក ដែលបានបកស្រាយរួមគ្នាជាមួយនឹងតារាចម្រៀងរ៉េបថៃល្បីៗ ៣ រូបទៀតហើយ។
បទចម្រៀង «RUN THE TOWN» ដែលបកស្រាយដោយតារាចម្រៀងរ៉េបល្បី ២ ប្រទេស គឺកម្ពុជា និង ថៃ បានបញ្ចេញជាផ្លូវការនៅរសៀលថ្ងៃទី ២២ ខែមេសា ឆ្នាំ ២០២២ នេះ ដែលអាចនិយាយបានថា ជាកាដូក្រោយពិធីបុណ្យចូលឆ្នាំថ្មីប្រពៃណីជាតិខ្មែរ ដែលជាផ្ទាំងទស្សនីយ៍ភាពថ្មី ប្លែកមួយសម្រាប់ វណ្ណដា។
ពិតណាស់បទចម្រៀងមួយបទនេះ អាចលេចចេញជារូបរាងបានក្រោមការបង្កើត តាត់តែងនិពន្ធ និង ច្រៀងយ៉ាងសម្រិតសម្រាំងពីកំពូលតារាចម្រៀងរ៉េបល្បី ៤ រូប គឺ វណ្ណដា តារាចម្រៀងកម្ពុជា ជាមួយនឹងលោក F.HERO លោក 1MILL និង លោក SPRITE ហើយបទនេះដែរ គ្រាន់តែដាក់បង្ហោះនៅលើបណ្ដាញសង្គម youtube ភ្លាម ក៏ទទួលបានការគាំទ្រផ្ទុះកក្រើកស្រទាប់យុវវ័យទាំង ២ ប្រទេស។ សូមស្ដាប់បទចម្រៀងនៅទីនេះ៖
