ត្រៀមលុយផង! សាំង និង ម៉ាស៊ូត បន្តឡើងថ្លៃទៀតហើយ ១ លីត្រ ថ្លៃជិត ៦ ពាន់រៀល

តាមរយៈលិខិត របស់ក្រសួងពាណិជ្ជកម្ម ចុះនៅថ្ងៃទី ១១ ខែឧសភា ឆ្នាំ ២០២២ នេះ បានប្រកាសពីថ្លៃលក់ប្រេងឥន្ធនៈ នៅតាមស្ថានីយសម្រាប់លក់រាយ ចាប់ពីថ្ងៃទី ១១ ដល់ថ្ងៃទី ២០ ខែឧសភា ឆ្នាំ ២០២២ ដែលតាមសេចក្ដីប្រកាសព័ត៌មាន បានឱ្យដឹងថា តម្លៃប្រេងសាំងធម្មតានៅក្នុងសប្ដាហ៍នេះ ១ លីត្រ តម្លៃ ៥៥៥០ រៀល។ ចំណែកឯប្រេងម៉ាស៊ូតវិញ នៅក្នុងសប្ដាហ៍នេះមានតម្លៃ ៥៨០០ រៀល ក្នុង ១ លីត្រ។

បើធៀបទៅនឹងសប្ដាហ៍មុន យើងឃើញថាតម្លៃប្រេងសាំងធម្មតានៅសប្ដាហ៍នេះ ឡើងថ្លៃជាងសប្ដាហ៍មុនចំនួន ៣០០ រៀល ដែលកាលពីសប្ដាហ៍មុន តម្លៃសាំងធម្មតាមានតម្លៃ ៥២៥០ រៀល ក្នុងមួយលីត្រ ។ ដោយឡែក ចំណែកឯតម្លៃប្រេងម៉ាស៊ូតវិញ ក៏មានការឡើងថ្លៃចំនួន ២០០ រៀលផងដែរ ដែលកាលពីសប្ដាហ៍មុខ ថ្លៃប្រេងម៉ាស៊ូត មានតម្លៃ ៥៦០០ រៀលក្នុង ១ លីត្រ ៕

ដើម្បីជ្រាបកាន់តែច្បាស់ សូមអានសេចក្តីលម្អិតខាងក្រោម ៖