Alek ចេញមុខប្រកាស គាំទ្រឱ្យតារាស្រីរូបនេះ ក្លាយជាគូស្នេហ៍របស់ Great ពិតៗ

មួយរយៈក្រោយនេះ គេសង្កេតឃើញរឿងរ៉ាវរសើបរបស់តារាប្រុស Great Warinthorn ហាក់ទទួលបានការចាប់អារម្មណ៍ ពីសំណាក់មហាជនជាខ្លាំង ព្រោះតារាប្រុសរូបនេះនៅទំនេរមិនទាន់មានម្ចាស់ ជាពិសេសគឺមានចចាមអារ៉ាមជាមួយតារាស្រី ២ រូបនោះគឺ Kao និង Jackie។

ជុំវិញបញ្ហារឿងនេះ Alek Teeradetch ដែលជាមិត្តជិតស្និទ្ធម្នាក់របស់ Great ក៏បានចេញមុខចូលពាក់ព័ន្ធដូចគ្នា។ ដោយកាលពីថ្មីៗនេះ Alek បានអញ្ជើញ Jackie មកចូលរួមក្នុងកម្មវិធីយូធូបរបស់ខ្លួន ដោយមានការញ៉ាំអាហារ ហើយក៏សំណេះសំណាលគ្នាខ្លះពីរឿងរ៉ាវជីវិតផ្សេងៗ។

អំឡុងពេលញ៉ាំអាហារ Alek ក៏បានសួរបែបបញ្ឆិតបញ្ឆៀងទៅកាន់ Jackie ថា ៖ «ប្អូនមិនធ្លាប់ញ៉ាំអាហារនេះ ពីមុនមកមែនទេ? សូម្បីតែជាមួយម្នាក់នោះ ក៏មិនដែលនាំគ្នាមកញ៉ាំដែរមែន?»។

Jackie ក៏តបថា៖ «បងចង់សំដៅដល់អ្នកណាគេ?»
Alek៖ «មិនដឹងទេ»
Jackie៖ «អូ! ចង់និយាយដល់បង Great មែន! ចុះបងគិតថាមើលទៅខ្ញុំមានសង្ឃឹមប៉ុន្មានភាគរយ?»
Alek៖ «បងប្រាប់បានត្រឹមថា បើយើងមិនរំពឹង ឬ មិនសង្ឃឹមទុក នោះយើងមិនខកចិត្ត ឬ អស់សង្ឃឹមទេ»។

ហើយ Alek ក៏និយាយលើកទឹកចិត្ត Jackie ថា៖ «មិនថាយ៉ាងណាបងក៏ នៅខាងប្អូនជានិច្ច កុំទាន់ចុះចាញ់ ឬ បោះបង់ចោលអីណា មិនថាអ្នកណាគេនិយាយបែបណាក៏តាម តែដឹងថាបងគាំទ្រ Jackie»៕