ក្រុមហ៊ុនហុងឡេងហួរ អុិចប្រេស ចូលរួមការងារមនុស្សធម៌ជាមួយអង្គការផ្កាយសមុទ្រក្នុងឱកាសទិវាកុមារអន្តរជាតិ

ភ្នំពេញ៖ កាលពីថ្ងៃទី ០១ ខែមិថុនា ឆ្នាំ២០២២ កន្លងទៅនេះ ក្រុមហ៊ុនហុងឡេងហួរ អុិចប្រេស បានចូលរួមការងារមនុស្សធម៌ជាមួយអង្គការផ្កាយសមុទ្រ។ អង្គការផ្កាយសមុទ្រ គឺជាមូលនិធិកម្ពុជាមួយដែលទទួលបានពានរង្វាន់ និង មានបទពិសោធ ជាង ១៥ ឆ្នាំ ក្នុងការប្រើប្រាស់ការអប់រំ កីឡា និង គម្រោងអភិវឌ្ឍន៍សហគមន៍ ដើម្បីជួយកុមារងាយរង គ្រោះនៅកម្ពុជា និង ក្រុមគ្រួសាររបស់ពួកគេឲ្យរួចចាកផុតពីភាពក្រីក្រ។ សព្វថ្ងៃនេះ អង្គការផ្កាយសមុទ្រកំពុងធ្វើការជាមួយសិស្សានុសិស្សចំនួនជាង ៧០០ នាក់ តាមរយៈកម្មវិធីអប់រំ ដោយផ្តល់ឲ្យពួកគេនូវការសិក្សាពីថ្នាក់ពន្លឿនរហូតដល់ថ្នាក់បឋមសិក្សា មធ្យមសិក្សា ឧត្តម សិក្សា និង រហូតដល់ពួកគេមានការងារធ្វើ។ កុមារក្រីក្រនៅទីក្រុងភ្នំពេញ ដែលមិនធ្លាប់បានចូលរៀនទទួលបានឱកាសសិក្សាកម្មវិធីសិក្សាជាតិដែលតម្រូវឲ្យពួកគេរៀនពីរ ថ្នាក់ក្នុងឆ្នាំតែមួយរហូត ដល់ពួកគេអាចចូលរៀនថ្នាក់ ដែលសមស្របទៅនឹងអាយុរបស់ខ្លួន ក៏ដូចជាចូលរៀននៅសាលារដ្ឋបាន ។

សិស្សទាំងអស់ទទួលបានការ ឧបត្ថម្ភគាំទ្រជាឯកសណ្ឋានសិក្សា សម្ភារសិក្សា និង កញ្ចប់ អាហារប្រចាំខែសម្រាប់ក្រុមគ្រួសារទាំងមូល ខណៈដែលពួកគេកំពុងរៀនសូត្រនៅសាលារៀន។ បន្ថែមពីនេះទៀត សិស្សក៏ទទួលបានការប្រឹក្សាការងារ និង ការគាំទ្រដទៃទៀត ដើម្បីជួយពួកគេឲ្យ ទទួលបាននូវការងារដែលមានស្ថេរភាពផងដែរ ។

លោក សាង វាសនា តំណាងក្រុមហ៊ុនហុងឡេងហួរ អុិចប្រេសបានឲ្យដឹងថា «ក្រុមហ៊ុន ហុងឡេងហួរ អុិចប្រេស តែងតែប្តេជ្ញាចិត្តក្នុងការផ្តល់ត្រលប់ជូនដល់សហគមន៍របស់យើងវិញ។ យើងពិតជាមានក្តីសោមនស្សរីករាយយ៉ាងខ្លាំងដែលបានចូលរួមចំណែកក្នុងការរៀបចំ និង ឧបត្ថម្តដល់កម្មវិធីទិវាសិទ្ធកុមារអន្តរជាតិរបស់អង្គការ ISF! យើងមិនត្រឹមតែដឹកជញ្ជូនកញ្ចប់ទំនិញនោះទេ ក៏រួមមានការដឹកជញ្ជូនក្តីស្រឡាញ់ និង ក្តីសង្ឃឹមទៅកាន់អ្នកជុំវិញខ្លួនរបស់យើងផងដែរ។ អរគុណសំរាប់កម្មវិធី ដ៏ពោរពេញដោយក្តីស្រឡាញ់មួយនេះ!

លោកស្រី គង់ សីហា ប្រធានផ្នែកប្រតិបត្តិនៃអង្គការផ្កាយសមុទ្របានមានប្រសាសន៍ថ្លែង អំណរគុណទៅកាន់ក្រុមហ៊ុនហុងឡេងហួរ អុិចប្រេស «តំណាងឲ្យក្រុមការងារ និង សិស្សានុសិស្សនៅអង្គការផ្កាយសមុទ្រទាំងអស់ នាងខ្ញុំពិតជាមានសេចក្តីសោមនស្ស រីករាយ ដែលក្រុមហ៊ុនហុងឡេងហួរ អុិចប្រេស បានមកដល់អង្គការផ្ទាល់ដើម្បីចូលរួមអបអរទិវាកុមារអន្តរជាតិ និង បាននាំយកថវិកាជូនដល់យើងខ្ញុំសម្រាប់ទិញសម្ភារសិក្សាដល់កុមារក្រីក្រនៅអង្គការផ្កាយសមុទ្រ។ សព្វថ្ងៃនេះអង្គការផ្កាយសមុទ្រមានតម្រូវការជាច្រើនដូចជាសម្ភារសិក្សា ឯកសណ្ឋានសិស្ស កង់ ស្បៀងអាហារ និង ថវិកា»។

លោកអ្នកអាចធ្វើការគាំទ្រការងាររបស់អង្គការផ្កាយសមុទ្រតាមរយៈការបរិច្ចាកថវិកាទៅកាន់គណនីណាមួយខាងក្រោមរបស់អង្គការផ្កាយសមុទ្រ៖
ABA: 002345589 Indochina Starfish Foundation
Pi Pay: 098977981 ISF Cambodia
ACLEDA: 38640426469999 Indochina Starfish Foundation (ISF)
SBI Ly Hour Bank: 000117832 Indochina Starfish Foundation