ឆ្ងល់ថាហេតុអ្វីតារាកំប្លែងស្រី Nulek មានខ្លាំង រកស៊ីអ្វី ស្រាប់តែនាងទម្លាយផាំងៗ ល្មមអ្នកឆ្ងល់ចត់បាយ

គ្រាន់តែបង្ហើបដល់ឈ្មោះតារាសម្តែងស្រីកំប្លុកកំប្លែង Nulek ភ្លាម ប្រិយមិត្តប្រាកដជាបានស្គាល់ជាក់ជាពុំខាន ព្រោះនាងតែងតែលេចមុខនៅក្នុងសាច់រឿងភាគរបស់ថៃស្ទើរតែគ្មានរំលងមួយរឿងឡើយ។

បើទោះបីជាជីវិតក្នុងរឿងភាគច្រើន Nulek ជាតួអង្គអ្នកបម្រើ ឬ សម្តែងតួរអង្គបែបកំប្លុកកំប្លែងក៏ពិតមែន តែបើនិយាយពីជីវិតក្រៅឆាករបស់នាង មិនដូចក្នុងរឿងនោះទេ នាងរស់នៅក្នុងជីវិតហាយសូរស៊ីវិល័យមិនចាញ់តារាល្បីផ្សេងៗឡើយ មានទាំងផ្ទះប្រណីត ឡានទំនើបស្ទើរតែគ្រប់ម៉ាក។

ដោយឡែក បន្ទាប់ពីឃើញជីវិត Nulek ហាក់លោតឡើង ពោលគឺនាងក្លាយជាអ្នកមានជួរមុខដែរមក ស្រាប់តែមានមហាជនមួយចំនួនកើតមានចម្ងល់ និង បោះសម្តីចង់ដឹងរឿងរបស់នាងថា នាងរកស៊ីអ្វី ធ្វើអ្វី បានជានាងមានឆាប់បែបនេះ?

បន្ទាប់ពីមានមហាជនអ្នកគាំទ្រខ្លះមានចម្ងល់ និង ចង់ដឹងពីជីវិតខ្លួនពេក ស្រាប់តែថ្មីៗនេះ តារាកំប្លែងស្រីរូបនេះបានចេញមុខទម្លាយ ក៏ដូចជាបោះសម្តីផាំងៗថា ៖ «ពិតហើយប្រសិនបើចង់មានប្រាក់ចំណូលច្រើន គឺត្រូវតែឧស្សាហើយ អ្នកគ្រប់គ្នាប្រហែលពុំដឹងទេថា រាល់ថ្ងៃខ្ញុំគេងម៉ោងប៉ុន្មាន ក្រោកម៉ោងប៉ុន្មាននោះ រាល់ថ្ងៃខ្ញុំគេងម៉ោង ១-២ យប់ស្ទើររាល់ថ្ងៃ ភ្ញាក់ឡើងម៉ោង ៥ ជិតភ្លឺរាល់ថ្ងៃ ដើម្បីទៅលក់អីវ៉ាន់ក្នុងហាង និង ឆ្លៀតលក់អនឡាញ់ស្ទើរតែគ្រប់មុខទៀត ទើបការខំប្រឹងទាំងនេះហើយធ្វើឱ្យនាងមានថ្ងៃនេះ»៕