ថ្ងៃនេះ គម្រប់ខួប BTS ៩ ឆ្នាំ! តស់មកមើលរូបភាពថ្ងៃដំបូងបំផុត ដែលពួកគេឡើងសម្ដែង

ថ្ងៃទី ១៣ ខែ មិថុនា ឆ្នាំ ២០១៣ ផលិតកម្ម BigHit ក្រុមចម្រៀងបុរសកូរ៉េ BTS និង ARMY (អ្នកគាំទ្ររបស់ BTS) ចាត់ទុកថាថ្ងៃនេះគឺជាថ្ងៃប្រវត្តិសាស្រ្តរបស់ពួកគេ ព្រោះវាគឺ ជាថ្ងៃដែលក្រុម BTS បាន debut និង បង្ហាញខ្លួនជាលើកដំបូងក្នុងវិស័យចម្រៀងកូរ៉េ K-POP។

គួររំលឹកផងដែរថា ទម្រាំមានឈ្មោះបោះសំឡេងល្បីខ្ទរខ្ទារពេញសកលលោកបែបនេះ BTS បានឆ្លងកាត់ឧបសគ្គមិនតិចនោះទេ ព្រោះដោយសារតែផលិតកម្មរបស់ពួកគេកាលណោះ គឺជាផលិតកម្មមួយនេះ មិនសូវមានភាពល្បីល្បាញដូចផលិតកម្មផ្សេងៗឯទៀត រីឯ ផ្នែកហិរញ្ញវត្ថុវិញ ក៏មិនសូវគ្រប់គ្រាន់ផងដែរ។

(អគារ និង ការិយាល័យធ្វើការរបស់ពួកគេកាលពីមុន)

ដោយឡែក បើក្រឡេកទៅមើល កាលពី ៩ ឆ្នាំ កន្លងទៅ ពោលគឺថ្ងៃដំបូងដែលពួកគេបានឡើងឆាកសម្ដែង វាពិតជាមានភាពខុសគ្នាពីបច្ចុប្បន្នខ្លាំងមែនទែន។ ចង់ជ្រាបកាន់តែច្បាស់ សូមទស្សនារូបភាពកាលពីថ្ងៃទី ១៣ ខែ មិថុនា ឆ្នាំ ២០១៣ ក្នុងកម្មវិធី Debut Showcase របស់ BTS ខាងក្រោម៕

ប្រភពរូបភាព៖ BTS (방탄소년단)