ភ្ញាក់ផ្អើល! ឧកញ៉ា ហេង ឡុង ត្រូវបានអ្នកឧកញ៉ា ឡេង ណាវ៉ាត្រា Surprise រថយន្ត Rolls Royce Cullinan 2022

នៅព្រឹកថ្ងៃទី ១៣ ខែកក្កដា ឆ្នាំ ២០២២ នេះ មហាជនអ្នកលេងបណ្ដាញសង្គម ជាពិសេសអ្នកគាំទ្ររបស់គូស្នេហ៍ប្រធានសមាគមអ្នកសិល្បៈ អ្នកនាង ចន ច័ន្ទលក្ខិណា គឺលោកឧកញ៉ា ហេង ឡុង បានមានការភ្ញាក់ផ្អើល និង ធ្វើការសាទរចំពោះលោកគ្រប់គ្នា ក្រោយពីឃើញលោកទទួលបានរថយន្តទំនើបលំដាប់អភិជន Rolls Royce Cullinan 2022 ពីអ្នកឧកញ៉ា ឡេង ណាវ៉ាត្រា។

នេះបើតាមបណ្ដាញសង្គមហ្វេសប៊ុករបស់ លោក យឹម តាស្រង់ បង្ហោះរូបភាពភ្ជាប់ជាមួយសារអបអរសាទរចំពោះលោក ហេង ឡុង ថា ៖ «អ្នកដែលត្រូវបានគេ Surprise យប់មិញ តើបេះដូងលោតយ៉ាងណា? អបអរសាទរបងប្រុស ហេង ឡុង ឡានថ្មី Rolls Royce Cullinan 2022»។

ទន្ទឹមនឹងនោះដែរ មហាជនអ្នកគាំទ្រលើបណ្ដាញសង្គម បានធ្វើការចូលអបអរសារទរដល់ ឧកញ៉ា ហេង ឡុង ជាមួយនឹងការទទួលបានសមាជិកថ្មីលំដាប់អភិជនរាប់សិបម៉ឺនដុល្លារនេះផងដែរ៕

សូមទស្សនាវីដេអូខាងក្រោម៖