បង្ហាញខ្លួនលើកនេះ Dilraba ស្អាតដូចទេពអប្សរក្នុងឈុតពណ៌ស អ្នកគាំទ្រលាន់មាត់ខ្លាំង
កាលពីថ្ងៃទី ១៤ ខែកក្កដា ឆ្នាំ២០២២ ថ្មីៗនេះ តារាសម្ដែងស្រី Dilraba Dilmurat បានបង្ហាញខ្លួនជាសាធារណៈនៅតាមដងផ្លូវមួយកន្លែងនៅក្នុងទីក្រុង Chengdu ប្រទេសចិន ដើម្បីចូលរួមជាតារាកិត្តិយសក្នុងព្រឹត្តិការណ៍ដាក់បង្ហាញផលិតផលម៉ាកយីហោថ្មី។
ក្នុងនោះ តារាស្រីរូបនេះត្រូវបានអ្នកនិយមលេងអ៊ីនធឺណេត ដែលជាក្រុមអ្នកគាំទ្របាននាំគ្នាលាន់មាត់សរសើរមិនដាច់ នៅពេលបានឃើញនាងស្លៀកក្នុងឈុតរ៉ូបពណ៌ស បង្អួតរាងស្រឡូនស្អាត តុបតែងខ្លួនបែបសាមញ្ញៗ ប៉ុន្តែស្រស់ដូចទេពអប្សរ ទាក់ទាញខ្លាំងរកអ្វីប្រដូចមិនបានឡើយ។
ការបង្ហាញខ្លួនរបស់តារាស្រី Dilraba នៅកណ្តាលហ្វូងមនុស្សជាច្រើនកុះករ ចូលរួមផ្សព្វផ្សាយឱ្យម៉ាកយីហោល្បីមួយ ដែលក្នុងនាមតារាស្រីតំណាងឱ្យផលិតផលមួយនេះ សម្រស់របស់នាង គឺពិតជាមានភាពទាក់ទាញភ្នែកមហាជនអ្នកទស្សនានៅទីនោះយ៉ាងខ្លាំង រហូតដល់រូបថតជាច្រើនសន្លឹករបស់នាង ត្រូវបានក្រុមអ្នកគាំទ្របន្តចែកចាយពេញក្នុងបណ្តាញសង្គម Weibo យ៉ាងកក្រើក ដោយគ្រប់គ្នាមានការភ្ញាក់ផ្អើល និង ចាប់អារម្មណ៍ម្ដងហើយម្តងទៀត តាំងពីនាងបង្ហាញខ្លួនចូលរួមក្នុងព្រឹត្តិការណ៍លើកដំបូង៕
