ផ្ទុះការវែកញែកពី Pinky ពាសពេញ Tik Tok បន្ទាប់ពីនាងបញ្ចេញសកម្មភាពបែបនេះ ហើយមហាជនថតបាន
កាលពីពេលថ្មីៗនេះ តារាស្រី Pinky Savika ស្រាប់តែត្រូវបានមហាជនអ្នកនិយមលេងបណ្ដាញសង្គម Tik Tok ផ្ទុះការរិះគន់ បន្ទាប់មានគណនី Tik Tok មួយបានថតរូប និង បង្ហោះឡើងដោយនិយាយថាតារាស្រី Pinky ឫកពា ហាក់មិនរីករាយជាមួយអ្នកគាំទ្រឡើយ។
ដោយឡែក ងាកទៅមើលតារាស្រីស្រស់ Pinky ឯណោះវិញបន្ទាប់ពីបានឃើញវីដេអូរូបភាព ត្រូវបានមហាជនអ្នកលេងបណ្ដាញសង្គម Tik Tok យកទៅរិះគន់មក នាងក៏បានចូលទៅបញ្ចេញមតិបតទៅវិញថា ៖ «ជម្រាបសួរ ចា៎ស! ខ្ញុំសុំអភ័យទោសប្អូនផង ដែលមិនបានទៅនិយាយរាក់ទាក់ ព្រោះថាពេលនោះ នាងខ្ញុំឈឺបត់ជើងតូចពេក»។
បន្ទាប់ពីឃើញតារាស្រី Pinky ចេញមកសុំការអភ័យទោសហើយ គេក៏ឃើញម្ចាស់គណនីដែលបង្ហោះរូបភាព និង វីដេអូតារាស្រី Pinky នោះក៏បានចេញមកធ្វើការសុំអភ័យទោសទៅកាន់តារាស្រី pinky វិញដូចគ្នា ដែលខ្លួនបានបង្ហោះរូបនាំឱ្យមានការយល់ច្រឡំ។ ហើយម្ចាស់គណនីរូបនោះ ក៏សង្ឃឹមថាតារាស្រី Pinky អត់ឱនទោសឱ្យផងដែរ៕
