ស្លុ-.តចិត្ត! Jimmy Lin និងកូន ជួបគ្រោះថ្នាក់បុកបង្គោលស្ពាន នៅកោះតៃវ៉ាន់
យោងតាមការចុះផ្សាយរបស់ ETtoday នៅថ្ងៃទី ២២ ខែកក្កដា ឆ្នាំ២០២២ បានរាយការណ៍ថា តារាសម្ដែងប្រុសតៃវ៉ាន់ Jimmy Lin បានជួបគ្រោះថ្នាក់ចរាចរណ៍ ដោយលោកបានបើកបុកបង្គោលស្ពានក្នុងទីក្រុង Taoyuan កោះតៃវ៉ាន់ បណ្តាលឱ្យឆាបឆេះ។
បើតាមប្រភពនៅកន្លែងកើតហេតុបាននិយាយថា នៅពេលកើតហេតុគេបានឃើញ Jimmy Lin និង កូនពៅរបស់លោក នៅក្នុងឡាន។ ភ្លាមៗនោះ ប្រជាពលរដ្ឋបានជួយសង្គ្រោះ និងនាំអ្នកទាំងពីរចេញមកក្រៅ មុនពេលមានការឆាបឆេះ។
ប្រភពដដែលបានបន្តថា តារាសម្ដែងប្រុសរូបនេះ បានរងរបួសក្បាលយ៉ាងធ្ងន់ធ្ងរ និង ដៃរបស់លោកបានដាច់រលាត់ ចំណែកឯកូនប្រុសរបស់លោកវិញ បានដាច់រលាត់ត្រង់មុខ និងមានការភ័យស្លន់ស្លោយ៉ាងខ្លាំងក្នុងហេតុការណ៍នេះ។
ទោះជាយ៉ាងណា មូលហេតុគ្រោះថ្នាក់នេះមិនទាន់បានបង្ហាញច្បាស់នៅឡើយនោះទេ កំពុងស្ថិតក្រោមការស៊ើបអង្កេត។ ចំណែកកន្លែងកើតហេតុត្រូវបានប៉ូលិសជំនាញ បិទហាមឃាត់ ហើយ Jimmy Lin និង កូនប្រុសរបស់លោក ត្រូវបានបញ្ចូនទៅមន្ទីរពេទ្យដើម្បីសង្គ្រោះបន្ទាន់ផងដែរ៕
