អាយុ ១៦ ឆ្នាំក្មេងល្ហក់ តែមកជួបគ្រោះធំ ដើរផឹកតែគជ់តាមផ្លូវ ស្លាក់គជ់ចូលបំពង់ខ្យល់ ស្ល-ា..ប់មួយរំពេច

នៅថ្ងៃទី ២៥ ខែកក្កដា ឆ្នាំ ២០២២ នេះ មានរឿងរ៉ាវហេតុការណ៍ដ៏គួររន្ធត់ចិត្តមួយ ត្រូវបានគេចែកចាយពេញបណ្តាញសង្គម ដោយមានក្មេងប្រុសវ័យ ១៦ ឆ្នាំម្នាក់ ដើរបឺតតែគជ់នៅតាមផ្លូវសុខៗ ស្រាប់តែស្លាក់តែគជ់ចូលបិទបំពង់ខ្យល់ស្លាប់ភ្លាមៗនៅនឹងកន្លែង ធ្វើឱ្យអ្នកនៅជុំវិញតក់ស្លុតខ្លាំង។

បើតាមព័ត៌មានបានឱ្យដឹងថា ហេតុការណ៍មួយនេះតាមពិតទៅបានកើតឡើងកាលពីថ្ងៃទី ២៤ ខែកក្កដា ឆ្នាំ ២០២២ កន្លងទៅនេះ នាបណ្តោយផ្លូវមួយកន្លែងរបស់ប្រទេសចិន។ ដំបូងឡើយនៅម៉ោងប្រមាណជា ១០ ថ្ងៃត្រង់ គេឃើញមានក្មេងប្រុសម្នាក់បានដើរទៅទិញតែគជ់ផឹកនៅហាងមួយកន្លែង។

ក្រោយពីទិញរួចហើយ គេក៏បានដើរបណ្តើរផឹកបណ្តើររហូតមកដល់កន្លែងកើតហេតុ ក៏បានកើតអាការស្លាក់គ្រាប់តែគជ់យ៉ាងមិននឹកស្មាន រួចក៏បានសន្លប់បាត់ស្មារតីនៅនឹងកន្លែងតែម្តង។

ក្នុងនោះ ខាងក្រុមជួយសង្រ្គោះក៏បានទទួលដំណឹងនេះ រួចក៏បានប្រញាប់ប្រញាល់ទៅកន្លែងកើតហេតុ ដើម្បីជួយសង្រ្គោះជីវិតក្មេងប្រុសនោះផងដែរ ប៉ុន្តែពេលទៅដល់គេក៏ឈប់ដកដង្ហើមបាត់ទៅហើយ តែខាងអ្នកសង្គ្រោះក៏មិនបោះបង់ គេនៅព្យាយាមជួយធ្វើការសង្រ្គោះបឋម រួចក៏នាំទៅមន្ទីរពេទ្យនៅក្បែរនោះ។

យ៉ាងណាមិញ បើទោះជាខាងក្រុមគ្រូពេទ្យសង្រ្គោះយ៉ាងណា ក្មេងប្រុសម្នាក់នេះក៏មិនអាចគេចពីគ្រោះធំបានឡើយ ចុងក្រោយគេក៏បាត់បង់ជីវិតបាត់យ៉ាងគួរឱ្យសោកស្តាយ។ ដោយឡែក ហេតុការណ៍នេះ បានធ្វើឱ្យមហាជនមានការតក់ស្លុតណាស់ ហើយគេរឹតតែឃើញពីគ្រោះថ្នាក់នៃការស្លាក់បែបនេះ៕

សូមទស្សនាវីដេអូខាងក្រោម៖