បើកឆាកខែថ្មី! សាំង និង ម៉ាស៊ូត បន្តធ្លាក់ថ្លៃទៀតហើយ សល់ត្រឹមតម្លៃប៉ុណ្ណេះវិញ

ក្រសួងពាណិជ្ជកម្ម នៅថ្ងៃទី  ០១ ខែសីហា ឆ្នាំ ២០២២ នេះ បានចេញសេចក្ដីជូនដំណឹងពីថ្លៃលក់ប្រេងឥន្ធនៈ នៅតាមស្ថានីយសម្រាប់លក់រាយ ចាប់ពីថ្ងៃទី ០១ ដល់ថ្ងៃទី ១១ ខែសីហា ឆ្នាំ ២០២២ ដែលតាមសេចក្ដីប្រកាសព័ត៌មាន បានឱ្យដឹងថា តម្លៃប្រេងសាំងធម្មតានៅក្នុងសប្ដាហ៍នេះ ១ លីត្រ តម្លៃ ៤៧៥០ រៀល។ ចំណែកឯ ប្រេងម៉ាស៊ូតវិញ នៅក្នុងសប្ដាហ៍នេះមានតម្លៃ ៥១៥០ រៀល ក្នុង ១ លីត្រ។

បើធៀបទៅនឹងសប្ដាហ៍មុន យើងឃើញថាតម្លៃប្រេងសាំងធម្មតានៅសប្ដាហ៍នេះ មានតម្លៃធូរថ្លៃជាងសប្ដាហ៍មុន ៥០ រៀល ដោយតម្លៃសាំងធម្មតា កាលពីសប្ដាហ៍មុនមានតម្លៃ ៤៨០០ រៀល ក្នុងមួយលីត្រ។ ដោយឡែក ចំណែកឯតម្លៃប្រេងម៉ាស៊ូតវិញ មានការចុះថ្លៃចំនួន ១៥០ រៀល ផងដែរ ដែលកាលពីសប្ដាហ៍មុន ថ្លៃប្រេងម៉ាស៊ូត មានតម្លៃដល់ទៅ ៥៣០០ រៀល ក្នុង ១ លីត្រ៕

ដើម្បីជ្រាបកាន់តែច្បាស់ សូមអានសេចក្តីលម្អិតខាងក្រោម ៖