ផ្ទុះការសរសើរ Nadech ព្រាត ក្រោយឃើញជីវិតរស់នៅក្រៅឆាកសាមញ្ញ មិនតម្កើងខ្លួនជាតារាល្បី

Nadech Kugimiya តារាប្រុសរូបសង្ហាកូនកាត់ថៃ-អូទ្រីស ដែលមានអាយុ ៣០ ឆ្នាំ កម្ពស់ ១៧៨ ស.ម ជាគ្រាប់ពេជ្រចែងចាំងប្រចាំប៉ុស្តិ៍លេខ ៣ ថៃ មានប្រជាប្រិយភាពខ្លាំង ហើយរាល់ស្នាដៃដែលលោកសម្តែង គឺសុទ្ធសឹងតែទទួលបានការគាំទ្រខ្លាំង មិនថាជាខ្សែភាពយន្តខ្នាតធំ ឬ រឿងភាគនោះឡើយ។

ថ្មីៗនេះ តារាប្រុសរូបនេះបានធ្វើឱ្យមហាជនចាប់អារម្មណ៍ជាខ្លាំង ក្រោយពេលប្រទះឃើញជីវិតក្រៅឆាករបស់ Nadech គឺរស់នៅសាមញ្ញជាខ្លាំង បើទោះបីជាលោកជាកំពូលតារាលំដាប់ប្រទេសក៏ពិតមែន។

អ្នកគាំទ្រជាច្រើនបានកោតសរសើរថា Nadech ជាតារាមិនចេះប្រកាន់ខ្លួន ដោយគេសង្កេតឃើញលោកឧស្សាហ៍ប្រើប្រាស់មធ្យោបាយធ្វើដំណើរសាធារណៈដូចជាម៉ូតូឌុប ជាដើម។

​បន្ថែមពីនេះលោកក៏ជាមនុស្សដែលស្រឡាញ់ធម្មជាតិ និង សត្វខ្លាំង ដោយជារឿយៗលោកតែងធ្វើដំណើរទៅចូលរួមនៅតំបន់អភិរក្ស និង មើលថែទាំសត្វដំរីនៅតាមទីជនបទផ្សេងៗ៕