ក្រុមលំដាប់កំពូលអាស៊ីប៉ាស៊ីហ្វិក RAINBOW 6 ធ្វើការប្រកួតដណ្ដើមពានរង្វាន់កំពូលក្នុងកម្មវិធី ROG Masters APAC 2022
អត្ថបទ៖ ASUS Republic of Gamers ដែលជាម៉ាកកំព្យូទ័រយួរដៃសម្រាប់លេងហ្គេមលំដាប់ទី១ របស់ពិភពលោក នៅថ្ងៃនេះបានប្រកាសចាប់ផ្តើមបើកព្រឹត្តិការណ៍ ROG Masters Asia Pacific 2022 esports tournament។ ការប្រកួតនេះនឹងចាប់ផ្ដើមនៅថ្ងៃទី ១៥ ខែសីហា ដោយមានការចូលរួមពីក្រុមកំពូលៗរបស់ Tom Clancy’s RAINBOW 6៖ Siege teams នៅទូទាំងតំបន់តទល់គ្នា ដើម្បីដណ្តើមយកកន្លែងនៅវគ្គផ្តាច់ព្រ័ត្រដ៏ធំនៅទីក្រុងបាងកកប្រទេសថៃ និងដើម្បីដណ្ដើមពានរង្វាន់ទឹកប្រាក់ចំនួន 40,000 ដុល្លារ។
អ្នកចូលរួមមកពីតំបន់អាស៊ីអាគ្នេយ៍ អាស៊ីខាងត្បូង ជប៉ុន និងកូរ៉េខាងត្បូង នឹងអាចចុះឈ្មោះចូលរួមប្រកួតវគ្គជម្រុះចាប់ពីថ្ងៃទី 15 ខែសីហា ជាមួយនឹងការប្រកួតតាមអ៊ីនធឺណេតដែលនឹងចាប់ផ្តើមនៅថ្ងៃទី 17 ខែកញ្ញា។ ជាមួយគ្នានេះ ចំពោះក្រុមដែលមានលក្ខណៈសម្បត្តិគ្រប់គ្រាន់ នឹងបន្តឆ្ពោះទៅកាន់វគ្គផ្តាច់ព្រ័ត្រក្នុងតំបន់ ហើយបន្ទាប់មក ឆ្ពោះទៅកាន់វគ្គផ្តាច់ព្រ័ត្រដ៏ធំនៅក្នុងកម្មវិធី Thailand Game Show ថ្ងៃទី 21 ខែតុលា។ ការប្រកួតវគ្គផ្តាច់ព្រ័ត្រថ្នាក់តំបន់ និង Grand Finals នឹងត្រូវបានផ្សាយបន្តផ្ទាល់តាមអ៊ីនធឺណេតជាភាសាជាច្រើន។
លោក Peter Chang អ្នកគ្រប់គ្រងទូទៅប្រចាំតំបន់អាស៊ីប៉ាស៊ីហ្វិក ផ្នែកប្រព័ន្ធអាជីវកម្មនៅ ក្រុមហ៊ុន ASUS បាននិយាយថា «យើងបានបង្កើតម៉ូឌែល ROG ដើម្បីបង្កើតវេទិកាសម្រាប់ Gamer គ្រប់កម្រិត ដើម្បីអភិវឌ្ឍជំនាញរបស់ពួកគេ ហើយ ROG Masters APAC គឺជាមធ្យោបាយរបស់យើងក្នុងការអនុញ្ញាតឱ្យពួកគេបង្ហាញ ពីទេពកោសល្យដ៏អស្ចារ្យរបស់ពួកគេ»។
លោកបានបន្តថា៖ «ឆ្នាំនេះជាមួយនឹង Rainbow 6: Siege យើងមានគោលបំណង ដើម្បីបណ្តុះក្រុមល្អបំផុតនៅទូទាំង APAC សម្រាប់ការប្រគួតដ៏អស្ចារ្យនៅទីក្រុងបាងកក»។
អំពី ROG Masters
បានចាប់ផ្តើមនៅក្នុង APAC ក្នុងឆ្នាំ 2016 ROG Masters APAC បន្តនាំមកនូវឱកាសកីឡា esports ដ៏ល្អបំផុតសម្រាប់អ្នកលេងហ្គេមនៅទូទាំងតំបន់ ដោយផ្តោតលើការបណ្ដុះទេពកោសល្យក្នុងស្រុកនាពេលអនាគត និងផ្តល់ផ្លូវសម្រាប់ពួកគេទៅកាន់ការចាប់អារម្មណ៍ជាអន្តរជាតិ។ ហើយនៅឆ្នាំនេះ ក៏ជាលើកដំបូង ROG Masters APAC 2022 នឹងបង្ហាញនូវ fast-paced tactical action នៃ Tom Clancy’s Rainbow Six: Siege។
ការចុះឈ្មោះ និងកាលបរិច្ឆេទសំខាន់ៗ
អ្នកចូលរួមដែលមានចំណាប់អារម្មណ៍អាចចុះឈ្មោះនៅទំព័រការប្រកួតផ្លូវការនៅ៖ www.rogmastersapac.gg។ ការចុះឈ្មោះសម្រាប់ ROG Masters APAC 2022 ចាប់ផ្តើមនៅថ្ងៃទី 15 ខែសីហា នឹងបញ្ចប់នៅថ្ងៃទី 15 ខែកញ្ញា។ វគ្គជម្រុះតាមតំបន់នឹងប្រព្រឹត្តទៅតាមអ៊ីនធឺណេតនៅថ្ងៃទី 17 ដល់ថ្ងៃទី 18 ខែកញ្ញា ជាមួយនឹងក្រុមជម្រុះដែលប្រកួតប្រជែងក្នុងវគ្គផ្តាច់ព្រ័ត្រប្រចាំតំបន់នៅថ្ងៃទី 24 ខែកញ្ញា។ ការប្រកួតវគ្គផ្តាច់ព្រ័ត្រ នឹងប្រព្រឹត្តទៅនៅទីក្រុងបាងកក ប្រទេសថៃ ខណៈ Game Show ថ្ងៃទី ២១ ដល់ ២៣ តុលា៕
