Tre Porapat ត្រូវមហាជនរិះគន់ទក់សាច់ រឿងមានមុខមាត់ មិនសមដើរតួឯក

តារាប្រុស Tre porapat គឺជាតារាប្រុសពន្លកថ្មី ក្នុងស្ថានីយទូរទស្សន៍ប៉ុស្តិ៍ 0ne 31 ដែលខណៈនេះហាក់កំពុងតែផ្ទុះប្រជាប្រិយភាពខ្លាំងពីសំណាក់មហាជនយុវវ័យ។ ជាមួយនឹងរូបសម្រស់ និង សមត្ថភាពសម្ដែងដ៏ល្អនេះ បានធ្វើឱ្យតារាប្រុស Tre ក្តាប់បានតំណែងជាតួឯក និង ឱកាសការងារបន្តបន្ទាប់។

បច្ចុប្បន្ន អ្នកកំលោះរូបនេះ មានអាយុ ២៧ ឆ្នាំ។ ពេលនេះ លោកក៏មានម្ចាស់បេះដូងរួចរាល់ហើយដែរ តែគ្រាន់តែមិនបានបង្ហាញមុខព្រោះជាអ្នកក្រៅរង្វង់សិល្បៈ។ យ៉ាងណាមិញ អ្វីដែលចាប់អារម្មណ៍ ថ្មីៗនេះ តារាប្រុស Tre Porapat បានចូលរួមក្នុងកម្មវិធីជជែកកម្សាន្តមួយ ហើយក៏បានរៀបរាប់ពីបទពិសោធជីវិតសិល្បៈខ្លះៗរបស់ខ្លួន ដែលធ្លាប់ជួបកន្លងមកប្រាប់ដល់មហាជន។

ជារឿងភ្ញាក់ផ្អើលខ្លាំង ដែលអ្នកកំលោះ Tre បានទម្លាយថា ៖ «សម្រាប់លោក មានរឿងរ៉ាវជាច្រើន ដែលបានជួប ជាពិសេស រឿងរិះគន់ទៅលើមុខមាត់រូបសម្រស់នេះតែម្តង។ មហាជនមួយចំនួន តែងបានរិះគន់ទៅកាន់លោកថា មិនស័ក្តិសមនឹងតំណែងជាតួឯកឡើយ តែសម្រាប់លោកក៏មិនបានជាចាប់អារម្មណ៍ខ្លាំងដែរ ព្រោះជាធម្មតា មនុស្សគ្មាននរណាម្នាក់ដែលល្អឥតខ្ចោះទេ»៕