ការពិតរូបភាពស្អាតៗក្នុងកម្មវិធី Cambodian Idol រដូវកាលទី ៤ ជាស្នាដៃយុវជនវ័យក្មេងម្នាក់នេះ

ធ្មេចបើកៗកម្មវិធីប្រកួតចម្រៀងលំដាប់ពិភពលោក Cambodian Idol រដូវកាលទី ៤ មកដល់វគ្គផ្តាច់ព្រ័ត្រហើយ នៅថ្ងៃទី ២៨ ខែសីហា ឆ្នាំ ២០២២ ខាងមុខនេះ ក្រោយពីការប្រកួតប្រជែងដ៏ស្វិតស្វាញស្វែងរកជើងខ្លាំងចំនួន ៤ រូប ចុងក្រោយដណ្តើមយកពានរង្វាន់។

យ៉ាងណាមិញ បើក្រឡេកទៅមើលទិដ្ឋភាពនៅក្នុងស្ទីយោនៃឆាកប្រកួតឯនោះវិញ បើទោះជាមានអ្នកគាំទ្រខ្លះមិនបានទៅទស្សនាផ្ទាល់ក៏ពិតមែន ប៉ុន្តែរូបភាពជាច្រើនក្នុងទីតាំងនៃការប្រកួតវគ្គ Live Show រៀងរាល់សប្តាហ៍ ត្រូវបានបង្ហោះលើបណ្តាញសង្គមហ្វេសប៊ុក និង​ មានការចែករំលែកតគ្នាយ៉ាងព្រោតព្រាត។

ក្នុងនោះដែរ នៅលើផេកផ្លូវការរបស់កម្មវិធី Cambodian Idol តែងបានបង្ហោះរូបភាពស្អាតៗជាច្រើនសន្លឹកកន្លងមក ក៏បានធ្វើឱ្យអ្នកគាំទ្រចង់ដឹង ចង់ស្គាល់ ថារូបថតស្អាតទាំងនេះជាទឹកដៃរបស់ជាងថតរូបណាទៅ?​​

ជាក់ស្តែង ក្នុងចំណោមរូបថតស្អាតៗជាច្រើនបានផុសឡើងលើផេកផ្លូវការរបស់កម្មវិធី Cambodian Idol សម្រាប់រដូវកាលទី ៤ នេះ គឺជាស្នាដៃថតរបស់យុវជនវ័យក្មេងមួយរូបឈ្មោះថា Mrr Phing ដែលគេបានដឹងថាជាម្ចាស់ផេក Two 4 Photographs។

គួរឱ្យដឹងថា នេះមិនមែនជាលើកដំបូងទេ ដែល Mrr Phing បានបង្ហាញស្នាដៃក្នុងកម្មវិធីធំៗរបស់ទូរទស្សន៍ហង្សមាស តែក៏ធ្លាប់មានកម្មវិធីជាច្រើន និង តារាប្រុសស្រីជាច្រើនទៀត Mrr Phing បានថត និង ផ្តិតយករូបភាពដ៏ស្រស់ស្អាតទាក់ភ្នែកខ្លាំងយ៉ាងនេះ៕